Os motivos dos malos resultados. «Comezamos con resultados adversos e costounos voltar á liña de xogo que tiñamos en pretemporada. O cadro de xogadores é novo nun setenta e cinco por cento. Era preciso acoplalo xunto cos novos xogadores que chegaron xa coa liga comezada. De todolos xeitos, neste proceso de adaptación tamén tiñan que chegar os puntos«.

O proceso. «No último encontro co Escairón o equipo deu síntomas de melloría. Era un encontro que podíamos deixar encarrilado ao descanso e que se complicou na segunda parte, pero o equipo estivo mellor que en días anteriores. Fomos máis sólidos e nese proceso se debe continuar. Mario Lorido, que é un xogador diferencial, estivo fóra varias xornadas . . . é preciso ir acoplando as pezas«.

A falta de paciencia no fútbol. «Neste caso non foi así. A decisión no comezo tamén partiu de min, por que con sete xornadas o equipo considero que debera ter máis puntos. Os xogadores estaban traballando fenomenal, de dez, e é outra xornada sen gañar. O equipo precisa trocar algo, reactivarse, a ver se é posible revertir a situación«.

A permanencia do Ribadeo. «Vai lograr manter a categoría, estou convencido. É un grupo con moita predisposición ao traballo, é un luxo. É cuestión de gañar un partido e comezar a ir cara arriba. Ao mellor non é posible estar na zona alta, pero salvar a categoría con comodidade si».

O futuro de Labrada. «Foron meses moi intensos. Volcámonos moitos neste proxecto e impuxémonos unha presión grande. Gustaríanos que fora máis duradeiro, pero non puido ser. Agora sen esta mochila disfrutaremos un tempo antes de involucrarse noutro proxecto«.