Juan Rodríguez: «Prefiro falar e ver antes que un curso»

Dous equipos novos esta temporada e un só adestramento

Tres clubs nos últimos dez meses. Unha carta de presentación que asegura un mínimo de experiencias para o peto. E algunha que outra historia para os futuros netos. Juan Rodríguez García (Chantada, 1989) pechou o seu segundo ciclo na súa SD Chantada para iniciar outro na veciña Monterroso. A dichosa pandemia impediulle estrearse en Cerdeiriños pero abriulle ás portas da Magdalena. O Racing Villalbés chamouno a filas para dirixir o seu equipo xuvenil de Liga Galega. Outra vez máis, o ‘bicho’ e as súas consecuencias obrigárono a aparcar este novo proxecto.

FUTBOLINLUGO: Boas Juan! Un ano de emocións do máis variado. Comecemos polo principio. Que é un final no equipo da túa vila…

JUAN RODRÍGUEZ: Rematei a segunda etapa na SD Chantada, tres anos de adestrador do primeiro equipo e catro de coordinador. O grupo era marabilloso e era moi cómdo traballar, tanto con eles como coa directiva. Iso non exime a autoesixencia propia. Sentinme un privilexiado. Fixemos moitas cousas ben pero sempre nos quedamos ás portas do ascenso. O primeiro ano atopamos un Foz e Sarriana estatosféricos, ao seguinte tivemos que marchar uns meses a Rodeiro; e o último, estabamos a dous puntos con moitas xornadas por diante. Dos últimos 53 partidos, perdimos 8. Despois de tantas frustracións deportivas, non é que fixera falta un cambio pero se os resultados non saían ía ser duro aguantar todo o ano.

 

Hai xente de fóra que pode estar máis comprometido que algún da casa

FIL: Falabas da importancia do grupo. Neste tipo de clubs só se debe ter xente da casa?

Juan Rodríguez foi un dos relatores das I Xornadas Futbolinlugo

J.R: En Chantada a base tiña que ser a mesma. Eu son partidario de rexenerar os grupos pouco a pouco, non de golpe. Despois, o importante é ter xente comprometida co proxecto. Hai xente de fóra que pode estar máis comprometido que algún da casa, non é o habitual pero pasa. A base debe ser de sentimento de pertenza, iso si. A xente de fóra debe marcar diferenzas.

Os adestradores temos que ser capaces de filtrar a información aos xogadores

FIL: Durante todos estes anos, viviches en primeira persoa a rivalidade co Chantada Atlético. Como é a relación actual entre clubs?

J.R: A situación real é moi diferente á dos inicios. Os primeiros anos foron dunha rivalidade moi insana. A situación non era a ideal. Foise mellorando pero hai rivalidade. E deberamos chegar a un punto no que a xente se sentase, falase e se deran conta de o que mellor para o club chantadino sexa ter un club solo. Pero téñense que dar as condicións para elo, non de calquera maneira.

O mellor para o fútbol chantadino sería ter un só club

FIL: Entón o teu maior problema era o de adestrar a teu irmán (Manu)?

J.R: Sempre pensas que pode ser un problema. Manu viña xogando con todos os adestradores anteriores. Era unha situación máis fácil que se non fose un habitual. E xa coñecía ao grupo. Tamén tiven que adestrar aquí amigos. O importante é ter o rol claro. Pode parecer raro dende fóra pero os xogadores tíñano claro dentro. Houbo cero problemas internos, sendo coherente non ter porque habelos.

FIL: Agora que xa analizamos todo o controvertido da Vila do Asma, imos a Monterroso. Fálanos dese proxecto.

J.R: Antes de comezar, falei con bos amigos para asegurarme a onde ía. Todo o que dixeron era bó. Cumpríanse as dúas premisas que necesito: unha directiva que deixa traballar e un grupo de xogadores que quere traballar. Non me deu tempo a meterme de cheo no club. Fixen contacto con todos e facéndome unha idea. Iso si, non puiden vivilo desde dentro.

Sendo coherente e tendo o rol claro, non debera haber problemas por adestrar un irmán ou amigos

FIL: Juan Rodríguez acabou sendo unha consecuencia máis da pandemia. Aínda así, chamáronte de Vilalba e alá que fuches.

J.R: En Vilalba chámanme unha vez que se sabe que non hai Primeira. Nese momento, entendía que non tiña que estar atado pero o máis ético era falalo coa directiva do Monterroso. Dinme que ao non haber competición que valore o mellor para min, que non van poñer impedimento. Decido aceptar porque no Racing Villalbés fan as cousas ben, con xente moi formada en todas as categorías e dos que podes aprender traballando cerca.

FIL: E a túa bagaxe en Vilalba é dun só adestramento, non si?

J.R: Foi curioso pero si. Un só adestramento. As restriccións fixeron que fora así. As sensacións foron inmellorables en todos os aspectos ese día. Estamos expectantes a ver que pasa nas próximas semanas. E a ver se se xoga ou non.

Necesito dúas cousas: unha directiva que deixe traballar e un grupo que queira traballar

FIL: Mentres tanto, a seguir formándote imaxino…

J.R: A formación é básica. Eu escapo un pouco da formación regrada. Teño as titulacións estándar pero ao marxe diso son de autoformación. De falar con outros adestradores, ver métodos de traballo. Busco o útil dentro da oferta tan excesiva que temos. Busco a adecuada. Prefiro falar e ver, isto pode enriquecer máis que un curso. E chapar os partidos do En Xogo axuda.

FIL: Para rematar, unha pregunta de adestrador. Que porcentaxe de traballo semanal hai que adicar ao rival e cal ao teu propio equipo?

J.R: A eterna pregunta… Non son cousas incompatibles. Un equipo ten que ter a súa identidade, deixando sistemas a un lado, as ideas claras. Pero hai que coñecer información do rival. Non comparto nin o de «o rival me da igual» nin o que basea todo en función do rival. Os adestradores temos que ter toda a información posible e ser capaces de filtrar. Para transmitirlle aos xogadores o que precisan.

Luca´s Grill
Moreno´s Pizza

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 861

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.