Esther e Moji, goleadoras desatadas

O Lugo foi o único equipo capaz de vencer nunha xornada que remata cun derbi esta noite

O Lugo salvou unha xornada na que o resto de conxuntos lucenses non foron quen de levar o triunfo. As rapazas de Joaquín Blanco e Iria Rey sumaron os tres puntos na súa visita a un O Val, que conseguiu dous goles no tempo de desconto (3-4). A posesión foi blanquivermella e o perigo, especialmente por banda esquerda, tamén.

Luca´s Grill
Moreno´s Pizza

O partido semellaba controlado cos dous goles asinados ao inicio da segunda metade. Pero houbo suspense ata o final, quizais por un exceso de relexación. Esther marcou un hat-trick e Fanny Varela deixounos o golazo que se pode ver a continuación.

Gol de Fanny Varela
Deportes Élide


Pola súa parte, o Antas sacou un valioso punto na súa visita a Tordoia (1-1). Os goles, neste complicado e disputado partido, chegaron na primeira media hora. Mery, que regresaba de lesión, adiantaba ás rapazas de Jesús Melendo. E as locais empataban de dubidoso penalti quince minutos máis tarde. Meritorio empate tendo en conta as baixas por lesións e temas laborais, coas que contaba o Antas.

Xa na Segunda galega, só o Monte Forte foi quen de puntuar no campo do Bandeira (3-3). As monfortinas certificaron o seu dominio cun doblete de Moji e un tanto de Mougán. Iso si, so puideron levar un empate agridoce nun partido cun claro protagonista: o colexiado. O Monte Forte vencía por 0-3 a falta de vinte minutos para o remate e acabou deixando dous puntos.

Fanny Varela, na anterior xornada. ROBER CARREIRA

O resto da xornada rematou en derrotas para as nosas. O Carballedo cedeu por 1-2 ante o EF Lalín. Dous balóns ao pau, un penalti fallado e María Varela e Uxía lesionadas… Mañá para olvidar no Cuatro Vientos. Ao igual que o madrugón do Chantada en Santiso. As de Álex Cambeiro, que mandaban por 0-2 ata ben mediada a segunda metade sucumbiron nun choque disputado por culpa de quince minutos de desconexión. Irene debutou con gol.

Pecha a xornada esta noite (21.00 horas) o derbi entre San Roque e Milagrosa. As de Montirón agardan competir con garantías a pesares da súa escasez de xogadoras (teñen aínda as portas abertas a fichaxes). Por último, salientar que a Comercial descansou nesta xornada. Ao igual que o PM Friol e o seu filial.

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 873

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.