Máxicos Primeira. Xornada 2

A a Primeira e os seus máxicos xa están a demostrar que non vai ser apta para cardiacos...

Riotorto 1-0 Alfoz: o Riotorto conseguiu a súa segunda victoria ante un Alfoz que tivo as mellores ocasións no primeiro tempo. Nada máis comezar o segundo tempo, un penalti por unha discutida man dentro da área visitante converteuse no 1-0, obra de Fran Pastor. A partires de aí, o Alfoz intentou igualar, pero o marcador non se moveu.

Luca´s Grill
Moreno´s Pizza

San Roque 1-0 Monterroso: a Polvoreira viviu un choque trabado que se decidiu cun golazo de Emilio no 79′. Tras unha primeira metade igualada, os visitantes saíron reforzados do paso por vestiarios e gozaron de ocasións para adiantarse. Porén, a falta de efectividade e o gran tanto anotado polos locais decantaron a balanza.

Xove Lago 0-3 Pol: o Pol exerceu a súa condición de favorito no Municipal de Xove. A SD fixo un partido moi completo que encarrilou no primeiro tempo con goles de Leandro e Álex Guntín. Nos últimos 10′, Leandro sentenciou ante un Xove Lago que non lle perdeu a cara ao partido en ningún momento e competiu de ti a ti ata o asubío final.

Deportes Élide

Chantada 3-0 Friol: a SD resarciuse da súa derrota en Taboada a pasada semana. Os locais dominaron o partido en todo momento e adiantáronse cun gol de Joserra nos primeiros quince minutos. Xa no segundo tempo, Manu e Buján sentenciaron o choque ante un Friol que apenas se achegou á meta dos do Sangoñedo.

Sporting Pontenova 0-2 Pastoricense: A Mina albergou un choque moi intenso no que houbo alternativas para os dous equipos. Tras dez minutos nos que os locais estiveron mellor, o Pastoricense gozou de media hora na que fixo dous goles e puido sentenciar con dous remates que se estrellaron nos paus. Despois do descanso, os locais modificaron o sistema e meteron á UD no seu campo, pero non conseguiron materializar as oportunidades pola boa defensa do Pastoricense.

Outeiro de Rei 1-1 San Lázaro: o San Lázaro sacou un resultado positivo do Municipal logo de completar un gran partido. Nun primeiro tempo sen apenas ocasións, Julio fixo o primeiro para os da Ponte. Na segunda metade, o Outeiro dominou pero non logrou xerar perigo ata un penalti que se traduciu no 1-1 (obra de Pereira). Tras o empate, o San Lázaro puido levarse ao partido nunha contra que cortou con falta Álvaro cando Mincha encaraba ao porteiro rival, o que deixou aos locais cun xogador menos os últimos dez minutos.

Lourenzá 1-1 Burela: os locais aproveitaron unha boa acción combinativa para adiantarse por medio de Pichi e, a partires de aí, tiveron o control do xogo e perdoaron ao Burela ata en tres ocasións. Na segunda metade, o conxunto verde mellorou e encerrou ao Lourenzá no seu campo, algo que se traduciu no 1-1 nos últimos intres do choque.

Portomarín 1-0 Taboada: o Chao da Poza viviu un partido con pouco fútbol e que se decidiu cun solitario tanto de Sergio Arias. O Taboada tentou incomodar a portería defendida por Adrián, pero non foron quen de achegarse con perigo. O conxunto que dirixe Fernandito conta así con dúas victorias en dous partidos.

Castro 2-0 Folgueiro: o Folgueiro chegou a Castro convencido de que tiñan que ceder o balón aos rivais. E non lles iba mal o plan ata que Roberto fixo o 1-0 ao borde do descanso. Tra-la reanudación, o Castro dominou pero non era quen de sentenciar. Nos intres finais, cun Folgueiro xa volcado na procura do empate, Yoel puxo o 2-0 que deixaba sen opcións aos do Vicedo e garantía o primeiro triunfo dos do Arturo Pereiro.

Chantada Atlético 2-2 Guntín: o Sangoñedo viviu un partido de infarto na tarde do domingo. O Chantada Atlético logrou adiantarse, pero o Guntín conseguiu a igualada ao pouco tempo. Cando semellaba que todo remataría 1-1, o Atlético anotou o 2-1 no desconto e, no 97′, Yelko logrou un empate para a épica nesta segunda xornada da Primeira Autonómica.

Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 535

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.