Por segunda temporada consecutiva, Futbolinlugo e El Progreso sacan a Guía Fútbol en Lugo. Un amplo recopilatorio de todos os equipos da provincia dende a Preferente, a Primeira Rexional, a Segunda, a Terceira e os equipos do fútbol feminino. Este sábado 21, a revista do fútbol provincial estará a venda por 1,5€ co seu correspondente exemplar do xornal El Progreso.

Oitenta e sete equipos, máis de 1600 xogadores e xogadoras que xogan na nosa provincia, datos, imaxes e as chaves dunha tempada que xa está andando. Cos movementos de mercado o máis actualizados posibles e con novos datos. Non obstante, a principal novidade deste ano é a inclusión dos árbitros. Os colexiad@s da provincia terán o seu merecido oco nas páxinas da guía.

Unha peza chave para afrontar a temporada. Unha lectura obrigada antes de visitar calquera campo. Un produto co que queremos seguir reivindicando o poder do noso fútbol, o compañeirismo, a amizade e todas aquelas razóns que se vos ocorran para manter con vida o espírito futbolístico da provincia.

Juan Renda, protagonista dun vídeo promocional da Guía

O coñecido adestrador lucense é o protagonista dunha modesta peza audiovisual que tenta explicar o valor dos nosos. Sen ánimo de criticar ás estrelas do fútbol internacional, pretendemos destacar a importancia dos de aquí. E que os nosos veciñ@s tamén poden ser os nosos ídol@s. Na época dos Domínguez, Pedro Tapia, Edrosa ou Bossa non existía o mundo dixital. A facilidade para contar as súas historias non era sinxela. Grazas a persoas como eles, hoxe estamos aquí. Escribindo unhas novas páxinas da historia do noso. Vémonos nos quioscos!

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.