O partido da xornada… Taboada CF «B»-Carballedo CF: A Terceira Galicia volve por todo o alto

Fíxose de rogar, pero xa está aquí. A Terceira Galicia botará a rodar este sábado en distintos puntos da provincia nun ano que estará cheo de novidades (Nausti, SD Viveiro, Carballedo), filiais que aspiran ao máis alto (Lemos, Taboada, Friol) e clubes cun cadro de xogadores digno de categorías moi superiores que buscarán o salto de categoría. Un dos primeiros campos nos que comezará a competición será na Medela, que albergará o sábado ás 17h un dos pratos fortes da semana: Taboada «B»-Carballedo, un derbi que pasará á historia por ser o primeiro e, á vez, o debut en competición ligueira do Carballedo, que proba este ano no fútbol masculino tras o seu éxito a pasada campaña co conxunto feminino.

Os protagonistas deste Partido da Xornada chegan ao choque moi ilusionados, en especial os visitantes, que contan con varios futbolistas  que vivirán a súa primeira experiencia nun campo de fútbol. Asemade, moitos xogadores (Isaac, Piele, Brais, Víctor, Guerra…) xa coñecen ben o noso fútbol, o que servirá para dar esa pizca de veteranía que sempre é necesaria. Dirixidos por Txiki, buscarán deixar o nome do Catro Ventos alto cada fin de semana.

O filial branquiazul, pola súa banda, cumprirá o seu segundo ano de competición, apostando de novo pola xente da casa, saída dos xuvenís do clube. Así, as únicas incorporacións son Varela e Iago, que chegan desde o veciño Relámpago; Marcos, do Monterroso «B» e Sergio, que chega libre. Estes, dirixidos por Dani Ríos, buscarán competir cada domingo facendo notar que a maioría deles son coñecidos e amigos, o que sempre da puntos positivos sobre o verde.

Por se a emoción parecía pouca, a todo isto súmase que Txiki, o preparador do Carballedo, adestraba o ano pasado, precisamente, ao Taboada «B» .Embárcase así nunha nova aventura na que tratará de, canto menos, igualar a súa labor na Medela na 18/19. Tamén, o presidente do Carballedo, Adrián Rodríguez, resulta ser ex-xogador do Taboada, o equipo no que máis sentido se sentiu até que unha lesión o apartou dos terreos de xogo.

MIGUEL OSORIO (TABOADA)

– Expectativas. «Afrontamos a liga con ganas de facelo ben, dentro das nosas posibilidades, moi ilusionados. Ver a vinte ou máis rapaces nos adestramentos enche a un de orgullo, ao que se suma o novo técnico, Dani. Non nos poñemos metas, seguiremos o tópico de partido a partido, e por suposto axudar ao primeiro equipo con xogadores que se formen neste conxunto.»

– O derbi. «O partido é un derbi contra uns vecinos, que será moi disputado e no que todos darán todo para gañar.»

ADRIÁN RODRÍGUEZ (CARBALLEDO)

– O partido. «Afrontamos con especial ilusión o derbi, estrenando equipo e equipación. Os xogadores están con moitas gañas e adestrando moito, xa que Txiki os ten bastante implicados e hai unha gran conexión entre todos.»

– O clube. «Nos existimos gracias á nosa vila, xente que está moi feliz de que haxa de novo fútbol de rapaces e rapazas, un soño que eu tiña con 18 anos, cando xogaba no Barrela: ser presidente do equipo da miña vila.»

– O rival. «Para min o partido é especial, é xogar na casa aínda que vamos de visitantes. Cando colguei as botas no 2006 por un accidente e xogaba en Taboada, toda a vila me demostrou un apoio enorme, algo que nunca vou olvidar.»

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 523

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.