O noso fútbol podería ter un novo equipo para a vindeira tempada. O Castroverde abre un prazo de consulta, ata finais deste mes, para ver se hai un número suficiente de xogadoras para crear un conxunto feminino. Pódese contactar directamente coa directiva ou a través das súas redes sociais. Ogallá salga adiante!

O que non estará a próxima campaña é Pedro Incera. O experimentado cancerbeiro do Celta Barreiros colga as luvas despois dunha longa traxectoria. E outro que tampouco segue é Seoane. O Corgo terá que buscar novo adestrador ante a marcha do preparador lugués.

Por último, dúas renovacións para este Diario dun mercado. Hai unhas semanas viviamos a ‘final’ polo ascenso entre o Catro Roldas e a Comercial. Pois ambos adestradores manteñeranse á fronte dos seus respectivos equipos. Andrés Rodríguez dirixirá aos capitalinos no regreso a Segunda Galicia. Pola súa parte, David Lorenzo volverá pelexar co cadro amarelo polo ascenso a esta categoría.