Ángeles brilla nunha xornada de apuros na Primeira

Ángeles fixo maxia nunha data na que o PM Friol B e o Antas non foron capaces de gañar

O Lugo prolongou o seu gran momento de forma e resultados cunha vitoria pola mínima no campo do Bergantiños. O gol de Paula ao cuarto de hora fixo xustiza para un cadro albivermello práctico e que apenas concedeu ao seu rival. A verticalidade e solidez das rapazas de Joaquín Blanco xeraron dúbidas na defensa das de Carballo, que recurriron en ocasións a un xogo máis duro.

Luca´s Grill
Moreno´s Pizza

Nerea Lombardero

Na fase de descenso, non chegou triunfo algún. O Antas colleitou un empate agridoce e insuficiente ante o Concello de Boiro. As rapazas do Castro Seoane prolongaron a festa do equipo masculino cun 2-1 ao descanso, cos tantos de Noe Pires e Nuria Louzao. O gol do Boiro foi unha xerra de auga fría, xusto ao bordo do tempo de lecer. A escadra dirixida por Noe Pires e Dani Abeleiras non puido pechar a vitoria e deixou dous puntos no tramo final, no que Eva rescatou un empate de ouro para as de Barraña. O Antas queda a un punto da zona de permanencia.

Deportes Élide

Pola súa parte, o PM Friol B cedeu na súa visita ao Tomiño e entra en descenso. As locais impuxeron a súa lei con dous tantos na primeira metade, case definitivos. Nerea Lombardero fixo o gol da honra no tramo final. O cadro de Diego Viveiro realizou un moi bo partido fóra da áreas. Bo xogo e actitude pero a pólvora estaba mollada.

Ángeles vaise de copas

O derbi da rolda previa da Copa Deputación tivo unha clara protagonista. Ángeles fixo os catro goles do Chantada na remontada ante o Monte Forte. A atacante adiantou ás de Álex Cambeiro ao cuarto de hora de xogo. A pesares das ocasións visitantes, foi o conxunto de Horta o que se marchou con vantaxe aos vestiarios grazas aos tantos de Moji e Laura Rivas.

Unha primeira parte disputada deu paso ao dominio chantadino na reanudación. Aí foi onde se desatou Ángeles, para asinar tres goles máis e o pase de rolda do seu equipo. Iso si, contou coa axuda inestimable de xogadoras como Irene ou Chío. Laura Caseiro tivo que poñerse de porteira ao mancarse a gardamallas Ángela.

Resultados da xornada

Bergantiños 0-1 Lugo

Tomiño 2-1 PM Friol B

Antas 2-2 Concello de Boiro

Monte Forte 2-4 Chantada

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 849

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.