O Pichón, Muimenta

Diario Dun Mercado. Episodio 255

A menos de tres días para que arrinque a Preferente e a un mes do comezo da Primeira Autonómica, os clubes lucenses ultiman os seus cadros de xogadores. É o caso, de feito, de moitos dos conxuntos que competirán na Primeira nesta 21/22.

Se empezamos o repaso polo norte, a primeira novidade chega desde Xove, onde o dianteiro Juanjo Coello continuará no Municipal. Camiñando paseniño cara o sur, o Riotorto CF incorpora dúas piezas importantes: Diego Mejuto, que fará labores de segundo adestrador e de futbolista, e Marino, atacante procedente da Sarriana.

Na capital, a SD San Lázaro renova a Borja Candal, xogador de corte ofensivo que destaca pola súa potencia e o seu bo golpeo. Xa no sur da provincia, os dous clubes do Sangoñedo traen novas: o Chantada Atlético renova ao experimentado Iago Otero, mentres que a SD Chantada anunciou aos técnicos do seu xuvenil ‘B’ (Pulpix e Jordi López) e do seu cadete (David Guerra e Michi)

Imagen por defecto
Santi Real
De campo en campo. Maniaco do fútbol. En formación continua, aprendendo cada día.
Artículos: 465

Deja un comentario