Comezamos este novo episodio do noso Diario cun bombazo que saltou esta mesma tarde. O Celta Barreiros, que o pasado mércores anunciaba a saída de Fran Vázquez, que fora adestrador as dúas últimas temporadas do conxunto do Cascabeiro, xa atopou sustituto. Non é outro que Carlos Devesa, un mítico do fútbol mariñán, integrante do Mindoniense na Terceira División, así como do Viveiro. O focense actualmente era o segundo adestrador do Iberia.

O Chantada Atlético anunciou a renovación do gardameta Anxo, que afrontará a segunda temporada no clube logo de xogar na 2019/2020 aínda en idade xuvenil. O San Lázaro renovou a Rubén Candal, que continuará un ano máis ás orde de Diego Rey. Manu Méndez «Camacho» será o segundo adestrador do San Roque a vindeira temporada.

A Milagrosa, que esta temporada retorna á Segunda Autonómica estará dirixida por Manolo Couso e Carlos Madriles. Un dos seus rivais, o Muimenta, renovou a Edu e Matías.

O Antas anunciou a renovación de boa parte do seu cadro de xogadores. Continuarán no Castro Seoane: Méndez, Xurxo, Martín Rivas, Marcos, Cris, Noel, Óskar Novo, Miguello, Luis, Félix, Garea e Cumbraos.