Nas últimas datas, o mercado está que non para. Tal e como vimos comentando, os clubes preparan pouco a pouco o retorno aos terreos de xogo. Agardemos que nos próximos meses os organismos competentes fagan oficial a volta do noso deporte e, a partires de aí, regresar á normalidade futbolística que tanto botamos en falta.

Pese a atoparnos a falar de competicións rexionais, que son as que aínda non se reactivaron, comezamos algo máis arriba o repaso das novidades. En concreto, na Segunda RFEF, na que non seguirá Iago Parga (polo menos coas cores da Peña Deportiva). O defensor de Sarria deixa o clube logo dunha temporada na que non gozou de moitos minutos.

Outro lucense abandona o seu clube na Terceira RFEF: Iñaki non defenderá a próxima campaña as cores da Gimnástica de Torrelavega, un histórico do fútbol cántabro. O futbolista deixou ver nas súas redes sociais todas as dificultades polas que pasou este ano. O que sí continuará no seu clube fóra da provincia (pero non moi lonxe) será Xusto Pardeiro. O focense defenderá un ano máis a elástica da SD Silva. 

Un bombazo do que nos facemos eco hoxe e a marcha do central Diego Muiña do Racing Villalbés. O defensor deixa a Magdanela logo de sete anos moi comprometido na entidade chairega.

Preto de Vilalba, sen abandonar a Terra Chá, tamén nos atopamos con movementos. A marcha de Dani Moirón de Santaballa deixa un oco que cubrirá Juan Rodríguez. Todo apunta a que o técnico chantadino compaxinará esta tarefa coa de adestrador de base no Racing Villalbés. Por tanto, outro banco que queda orfo é o da SD Monterroso, que aínda está conformando a súa nova directiva.

Por último, un clube que está moi activo é o CD Brollón. Os Medos contará un ano máis co defensor Diego, que renova, e Pagaza é oficialmente novo xogador do equipo, logo de pasar unha temporada adestrando na Pobra.

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.