O Partido Fisioterapia Ronda . . . Noia – Sarriana: noventa minutos para facer historia

A última xornada da temporada xa está aquí. E chega cun prato forte para o fútbol lucense. A Sarriana ten a posibilidade de rematar o fin de semana cun ascenso a Terceira que sería histórico e outorgaríalle aos sarriaos o pase á competición nacional por primeira vez. Para iso terá que gañar no campo de San Lázaro – Julio Mato, o domingo ás 18:30 horas, ao xa ascendido Noia e agardar o resultado do que aconteza no encontro entre o Sofán e o Boiro, os outros dous conxuntos implicados. O encontro será arbitrado polo colexiado pontevedrés Quintáns Domínguez.

A segunda fase está a ser un continuo desafío para a Sarriana. A súa brevidade, xunto co mal comezo do cadro lucense presaxiaba unha derradeira xornada de puro trámite. A derrota diante do Montañeros e o empate na Ribela co Sofán precipitaron a saída de Charly do banquiño. A chegada de Jaime Paz coincidiu coa gran reválida para a Sarriana. Foi diante do Boiro, encontro que lograron remontar con goles de Gerardo e Luis Díaz, este último cando o encontro xa esmorecía. Este triunfo impediu o ascenso dos barbanzáns e posibilitou que a Sarriana chegue á última xornada con posibilidades reais de ascenso.

A clasificación antes da disputa dos encontros decisivos está da seguinte maneira:

1- Noia: 12 puntos

2. Boiro: 7 puntos

3. Sarriana: 7 puntos

4. Sofán: 7 puntos

5. Montañeros: 4 puntos

6. Lemos: 1 punto

Malia a vencer no duelo directo diante do Boiro, as directrices federativas indican que se debe ter en conta en primeiro lugar o golaverage xeral. A Sarriana ten a obriga de gañar. Se non o fai non logrará o ascenso. Un triunfo dos lucenses daríalles o ascenso sempre que:

– Se gaña o Boiro o faga por dous goles menos que a Sarriana.

– Se gaña o Sofán, que sexa por menos diferencia que a Sarriana.

No caso de que exista empate no golaverage xeral, teríanse en conta os goles a favor. Se o empate persiste miraríase neste caso o golaverage particular. Pode darse o caso de que, no caso de que Sarriana e Sofán gañen sexa necesario disputar un encontro de desempate.

O certo é que o encontro para os lucenses non será doado. O Noia conta os seus encontros da segunda fase por vitorias, sendo quen de anotar sete goles e mantivo a súa portería a cero. O conxunto adestrado por Iván Carril conseguiu o ascenso a pasada xornada e regresa a Terceira tres temporadas despois.

O último encontro entre Noia e Sarriana no campo de San Lázaro data do 4 de novembro de 2018 e rematou con triunfo local por un tanto a cero. O único tanto do partido foi anotado por Stefan.

Falamos do encontro cun dos cerebros da Sarriana, o lucense Keko Vilariño, que se perderá o encontro logo da expulsión sufrida diante do Boiro.

QUE OPINAN OS PROTAGONISTAS?

KEKO VILARIÑO (SD SARRIANA)

 – O Noia. «Afrontamos o encontro con moita ilusión e con moitas gañas de agradar e facer un bo partido. É unha mágoa que non poda participar polo dobre cartón amarelo da pasada xornada diante do Boiro, pero estarei na grada animando como o que máis. Son o mellor equipo da categoría, tal e como reflexan os seus número e iso hai que telo en conta».

– Facer historia. «Tanto para min como para a comarca de Sarria sería un fito histórico. O club nunca chegou a estar en Terceira e a xente en Sarria está moi ilusionada con que podamos acadar ese ascenso. Ogallá o domingo o logremos e darlle unha alegría á afección».

 – Cambio de timón. «En tan pouco tempo é complicado poder cambiar cousas. Sobre todo, Jaime intentou transmitirnos a súa confianza a todos desde que chegou e tamén un pouco de tranquilidade á hora de xogar, que é posible que fora o que nos estaba faltando nos últimos encontros. Nunha fase de ascenso tendes a xogar acelerado, pero él logrou darnos ese acougo».

A AXENDA DO FÚTBOL LUCENSE

 Fase final Primeira División Feminina

 – C.D. Lugo – S.D. Antas (Sábado ás 12:30 horas na Cheda): derbi lucense na semifinal polo ascenso a Primeira Nacional, polo que un conxunto da nosa provincia xogará a gran final. Villestro ou Atlántida Matamá serán os seus rivais.

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.