Diario dun Mercado. Episodio 180

Comezamos esta nova entrega do Diario dun Mercado falando de adestradores. O C.D. Lugo non conta con José Durán para o banquiño do Polvorín, e o lucense finaliza así unha etapa na que acadou o desexado ascenso a Terceira, así como dúas permanencias na categoría nacional. Pablo Álvarez, ex xogador do C.D. Lugo e adestrador do I All Star Futbolinlugo será o segundo adestrador dun Mirandés ao que a vindeira temporada dirixirá o asturiano José Alberto.

Pablo Álvarez participou como adestrador no I All Star Futbolinlugo celebrado na Marosa

Sen marchar do C.D. Lugo, todo apunta a que o gardameta Brais ocupará a portería do Polvorín. Formado nas categoráis inferiores do clube, a última temporada estivo no xuvenil do Celta de Vigo.

O C.D. Foz acadou a fichaxe dun histórico que retorna ao clube. Álvaro, logo de dúas temporadas no Celta Barreiros retorna a Preferente da man do equipo do seu pobo. Os focenses tamén fixeron oficiais as renovacións xa coñecidas de Canario e Andrés Bustelo. Un chanzo máis abaixo, o Alfoz renovou a un vello rockeiro. Marcos continuará un ano máis sobre o verde e farao ás ordes de Suso Martínez. O Monterroso fichou a Raúl Pateiro procedente do Chantada B, e renovou para o seu filial a Víctor Valiño ‘Valigol‘.

Na Segunda Autonómica, Denis e Álex Gacio continuarán un ano máis no Mondoñedo, mentres que no Palas farán o propio Monti e Ángel. O Corgo, que esta vindeira temporada dirixirá desde o banco Suso Vázquez Tallón asinou ao dianteiro Diego Alvariño, procedente do Guitiriz e con pasado na base do CD Lugo, Residencia e Milagrosa.

Álex Gacio continuará no Mondoñedo outra temporada máis

O Castroverde tamén continúa coa renovación do seu cadro de xogadores. O lateral Bruno seguirá un ano máis na Veiga do Olmo.

No fútbol feminino, Matías e Hugo Méndez serán os axudantes de Álex Varela á fronte da SD Chantada.

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 498

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.