O único sobrevivente. Dani Renda é o único xogador que se mantén do antigo Polvorín. Hai escasas horas que vén de gañar o doblete co filial do Clube Deportivo Lugo. Porén, o xoven mediapunta viviu de amarelo as dúas caras da moeda. Tanto os éxitos recentes coma o sufrimento semanal de loitar por unha permanencia.
FUTBOLINLUGO: Antes de nada, noraboa! Imaxino que non será doado asinar dous títulos nunha campaña…
DANI RENDA: Moitas grazas. A verdade é que non contabamos con que a tempada fose tan redonda. Sí que nos marcaramos o obxectivo de ascender sí ou sí. Logo sabíamos que podiamos ser campións. E lóxicamente queriamos gañar. Foi o broche de ouro. Demostrar que eramos o mellor equipo dos dous grupos: norte e sur.
FIL: Como se leva dentro dun vestiario convivir coa etiqueta de ser o rival a superar, de estar obrigados a ascender?
D.R: Levámolo ben. O ano pasado o noso obxectivo non era ascender pero ías por Galicia adiante sendo o filial do Lugo. Eso sempre lle da un plus ao rival. Queren gañarte. Esa experiencia do ano pasado serviunos para determinados encontros esta tempada.
FIL: Tanto cambiou o Polvorín dende que chegaches? Collíchelo sufrindo en Primeira Galicia e agora, en Terceira División…
D.R: Sí, cando eu cheguei ao Polvorín non era filial do Lugo. Cheguei sendo últimos na Primeira. Conseguimos salvar a categoría. Despois xa fomos filial. Recuperouse a xente que xogara no Lugo anteriormente. Decidiron seguir apostando por min e ser unha peza importante de ese proxecto. Quero agradecer á xente que pensou en min e apostou por min. E tamén dicir que un filial dun clube profesional non podía estar en Primeira, senón como mínimo en Terceira División. E agora xa estamos aí.
FIL: Cal é a principal diferencia entre o Lugo B e o resto de clubes da categoría? 
D.R: Todos os métodos de traballo e adestramentos. Adestramos cinco veces a semana. Creo que naide, salvo nós, o fai os sábados á mañá. Iso marcou a diferencia, ese nivel na preparación. Esa profesionalidade, aínda que a categoría non sexa profesional.
FIL: Dende fóra apreciamos unha aposta moi forte pola base. Por querer levar a xogadores de Lugo á elite. De portas para adentro, sentídelo tamén así?
D.R: Non é de cara á galería. Estase vendo. O primeiro ano de ser filial xa se apostou por xente para ir adestrar. Aí o salto era moi difícil dalo. Queriamos facer o salto máis curto e estar máis preto de estar no primeiro equipo. Agora, vai moita xente adestrar. Luis Díaz debutou, Manu foi adestrar moitísimo e foi convocado. Pedro e Escriche foron un mais cando xogaron. E iso non é nada fácil. A xente tense que dar conta que hai xente moi valiosa no filial. Hai que apostar por ela!
FIL: Veremos a Dani Renda no Polvorín de Terceira División?
D.R: Ogallá. Sería un orgullo seguir vestindo esta camiseta e defender este escudo en Terceira División. Rematamos a tempada onte e aínda é moi pronto. Necesitamos desconectar un pouco.
