Cara, canto e cruz no remate da Primeira

O Antas sálvase, o PM Friol B descende e o Lugo agarda por un posible ascenso

Rematou a Primeira galega cun final do máis variopinto para as nosas. Unha noticia positiva, outra negativa e outra que queda en ‘stand by’.

Luca´s Grill
Moreno´s Pizza

O gol de Nerea Chantada resultou insuficiente para o PM Friol B

A cara da moeda foi para o Antas, que ratificou a súa permanencia cunha vitoria pola mínima na casa. O tempraneiro gol da xogadora-adestradora Noe Pires afastou tódalas posibles pantasmas do Castro Seoane. Un tanto que resultou tan suficiente como prescindible para a salvación, xa que o Chispa perdeu o seu partido. Iso si, o soberbio exercicio defensivo das lucenses na segunda metade queda como un dos bos exemplos de saber sufrir.

Deportes Élide

A cruz caeu do lado do PM Friol B. O cadro de Diego Vivero descende de categoría despois de caer no campo do Tordoia. Nerea Chantada tardou pouco en igualar o gol inicial das locais. Porén, as de Tordoia volveron poñerse por diante dous minutos despois. E sentenciaron ao inicio da reanudación. Demasiado castigo para as rapazas da Reigosa despois de asinar un encontro disputado e que se decidiu por detalles.

E de canto quedaron as da capital da provincia. O Lugo fixo os deberes empatando no campo do Sárdoma B. E agora haberá que agardar ao que ditamine a Real Federación Española de Fútbol e ver se o segundo posto das de Joaquín Blanco lles outorga o ascenso.

Noe Pires marcou o tanto que ratificou a salvación do Antas

O choque foi de poder a poder, con escasas ocasións na primeira metade e bastante incertidume na pelota detida. Ambos equipos abusaron do xogo directo e non puideron roubar en avanzado.

O inicio da segunda metade chegou con mazazo incorporado. Despois dun pequeno barullo, o Sárdoma B marcou a porta baleira. Esta circunstancia espoleou ao CD Lugo e as branquiavermellas deixaron os seus mellores minutos. Dominaron e aproximáronse con perigo, ata que María empatou.

O tramo final do encontro foi un pouco tolemia. Un ‘correcalles’ no que as de Joaquín Blanco souperon sufrir para chegar a bo porto.

Resultados da xornada

Sárdoma B 1-1 Lugo

Tordoia 3-1 PM Friol B

Antas 1-0 Victoria FC B

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.