Diario dun mercado. Episodio 268

Os clubes lucenses xa están a planificar a temporada 22/23. Logo dun ano convulso, pola presenza da Covid, o axuste das competicións, os arrastres… xa empezan a carburar diferentes proxectos de cara á nova campaña.

Luca´s Grill
Moreno´s Pizza

É o caso do Polvorín. O filial albivermello, recén ascendido á Segunda RFEF, xa asinou novo técnico. Roberto Trashorras, ata agora no Xuvenil ‘B’ da entidade, será o novo preparador dos lucenses. Todo apunta, ademais, a que Antón Méndez será o seu segundo adestrador, mentres que semella que Álex Ortiz abandonará o clube. Na Segunda RFEF non foi quen de manterse o Arosa SC, onde non seguirá Martín Ross. O clube non lle presentou oferta de renovación ao defensor logo de tres anos vestindo a camiseta arlequinada.

Na Terceira RFEF, o Racing Villalbés contará un ano máis con Simón Lamas como capitán do seu barco. Os chairegos manterán tamén parte da súa columna vertebral no terreo de xogo, pois xa renovaron o capitán López, o mediocentro Make e os irmáns Varela. Non continuará no seu clube o chantadino Pedro Delgado, que abandona a disciplina do CSD Arzúa.

Deportes Élide

Xa na Preferente, o acordo de renovación de Dani Moirón como adestador do Ribadeo estaría a preto de producirse. Tanto o técnico como o club ven con bos ollos a continuidade do técnico, tal e como adiantou o preparador nos micrófonos do Ser Deportivos Lugo.

Saltando cara a Segunda Rexional, Basi seguirá como adestrador do Muimenta, mentres que Julito será o segundo de Andrés Rodríguez na Comercial logo de confirmarse a lesión de longa duración do primeiro. Por último, no fútbol feminino, Perry tomará as rendas do Monteforte.

Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 524

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.