Káiser, o coordinador máis novo da capital

Alberto Fernández Vidal ‘Káiser’ (Lugo, 1995) xa é un peso pesado na Cheda. Toda unha institución na Residencia. Aos seus vintedous anos xa pasou por case tódolos estamentos do mítico clube capitalino. Xogador, técnico e agora coordinador deportivo. O máis novo da cidade amurallada. E quizais da provincia. Sen máis dilación falamos xa co auténtico Káiser do noso fútbol!

O Káiser xogador, primeiro abaixo dende a esquerda

FUTBOLINLUGO: Boas Señor Kaiser! Como chegaches a ese posto de coordinador deportivo?

KÁISER: Cheguei despois de moito tempo, de quince ou dezaseis anos na Residencia. Xogando dende benxamíns de primer ano, logo comecei de adestrador hai catro anos. Pasei de axudante a coller algún equipo de peques eu só. E este ano ofrecéusenos a Dani Galán e a min a oportunidade da coordinación deportiva. É o que imos a levar os dous conxuntamente.

Este ano ofrecéusenos a Dani Galán e a min a oportunidade da coordinación deportiva. Ímolo levar conxuntamente

FIL: A unha idade na que todos queren xogar, que te leva a querer adestrar e a asumir responsabilidades aínda maiores na parcela deportiva?

KÁI: A min dende pequeno gustoume adestrar. Sempre o tiven na mente. Cando estaba xogando nos equipos, chamábame o tema de dirixir, de planificar, de todo o que tiña que facer. Disfrutei moito xogando, pero o tema de ser técnico chamoume moito sempre.

FIL: Qué obxectivos tedes tanto Dani Galán coma ti nesa parcela deportiva?

KÁI: En fútbol 11 temos aos tres equipos ‘A’ en Liga Provincial. Non é onde debemos estar con eses equipos da Residencia. Hai catro ou cinco anos tiñas infantil en Galega, cadete en Honor e xuvenil en Nacional. Duns anos para aquí todo eso veuse un pouco abaixo. É o que queremos tratar de recuperar. Dende o traballo e a aprendizaxe dos rapaces. Temos claro que non todo é gañar nin primar resultados. Queremos volver a ter aos equipos da Residencia onde estiveron.

O Káiser adestrador

Queremos volver a ter aos equipos da Residencia onde estiveron, a Liga Provincial non é onde debemos estar cos equipos ‘A’ de fútbol 11.

FIL: E para iso semella que tedes menos adestradores. Aínda que con máis traballo. É así?

KÁI: Sí. É algo que se fai neste ano. Temos que traballar máis cada adestrador. Non implica nada distinto nin cambios importantes.

FIL: Por último, pregunta obrigada. De onde vén ese apodo de Káiser?

KÁI: É unha larga historia. Foi porque eu antes xogaba de dianteiro. E Kini, o gran Kini, púxome a xogar de pivote defensivo. Algo que non lle perdonarei nunca (bromea)! O mote vén dun gran amigo como é Luka, xogador de Santiago Futsal. Cando se enterou de que xogaba nesa posición de pivote empezou ca broma de ‘Káiser, Káiser, Beckenbauer…’. E así foi.

FIL: Grazas señor!

KÁI: A vós!

 

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.