As notas da Segunda e da Terceira na entrada da primavera

A nova estación entrou mollada e incluso nevada por algúns puntos da provincia, pero as notas Futbolinlugo veñen quentiñas como xa estades afeitos. Esta semana sen Terceira grupo norte que volverá a próxima fin de semana cos seus play-offs. E tamén estamos nas vésperas de que finalice a Terceira grupo sur que dende o pasado domingo xa ten un equipo menos. O Castroverde retornou á Segunda Galicia onde o acompañarán no ascenso directo o Portomarín (depende de si mesmo) ou o Monterroso B (ten que gañar e agardar que falle o Portomarín).

O ás: Fernando do Folgueiro

O Folgueiro colleitou un empate sen goles nunha das saídas máis complicadas da categoría, a do Municipal de Xermade. O conxunto local é un dos favoritos a acadalo ascenso e a pesar da igualada segue nos postos de ascenso directo. Fernando Rodríguez evitou os goles xermadinos con varias paradas de mérito que lle serven o seu equipo para sumar 31 puntos e afastarse un pouco da zona de descenso e dos posibles arrastres.

A figura: Santi do Friol

O Friol empataba cero a cero ante o Sporting Lucense no minuto 89 de partido. Aí foi cando apareceu Santi Vázquez para marcar o gol da vitoria desde o saque de curruncho, é dicir, un gol olímpico que vale tres puntos e que lle permite o conxunto friolés sentenciar a súa salvación e esquecerse de problemas a pesar dos arrastres.

Nin pé con bóla: Palas

Hai dúas xornadas o Palas era o líder indiscutible da Segunda grupo sur, cunha vantaxe de seis puntos sobre o segundo clasificado. Non obstante, perdeu dous partidos consecutivos ante dous rivais da zona alta, Residencia B e Brollón que lle fixeron perder o liderato. Aínda así, segue empatado co SDC San Roque á fronte da clasificación con dous puntos de diferenza sobre o terceiro, o Ferreira. Precisamente o San Roque e o Ferreira son dous dos catro rivais que lle quedan de aquí o remate de competición.

Demasiado intenso: Borja do San Lázaro

O San Lázaro perdeu por 4-1 ante  Becerreá e catro tamén son os partidos cos que foi sancionado o porteiro Borja Figueiras que despois de recibir un carton amarelo a comezos da segunda metade foi expulsado nos últimos intres do partido. Segundo a sanción, Borja tivo unha mala actitude ante o árbitro do encontro.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 550

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.