As nosas guerreiras da fin de semana!

Comezou a recta decisiva desta curta campaña. Nela, os equipos lucenses loitarán polo ascenso de categoría, tarea ardua pero para nada imposible. Comezamos repasando os playoffs de ascenso á Primeira Nacional, nos que están inmersos CD Lugo e SD Antas.

As albivermellas non pasaron do empate (0-0) ante o Victoria CF «B» na Cheda. O empate non contenta a ningún dos dous equipos, pois o vencedor tería asegurada a clasificación para a próxima fase. Porén, o reparto de puntos fai que o CD Lugo necesite unha victoria a próxima semana no campo do Atlántida Matamá. No tocante ao partido deste domingo, o resultado final reflicte ben o visto no terreo de xogo. As lucenses trataron de presionar moi arriba, algo que foi perdendo efectividade co paso dos minutos a medida que a fatiga tomaba protagonismo. Pese a iso, o CD Lugo completou un partido moi serio en defensa.

A SD Antas, pola súa banda, superou por 1-0 ao CP Alertanavia e sí asegurou a súa participación na segunda fase. Falta saber se as de Melendo xogarán como primeiras ou como segundas de grupo, algo que saberemos o próximo domingo, cando as celestes se midan á SD Villestro. O duelo deste domingo foi moi duro, pero un gol de Yaiza mediada a primeira metade rematou decantando o electrónico. As locais tiveron algunha ocasión para ampliar a diferenza, pero non o fixeron e a piques estiveron de lamentalo, pois María evitou o empate cun paradón nos últimos intres do choque.

Na Segunda Galicia, a SG Comercial caeu no derbi lucense ante a SCD Milagrosa (3-0), nun partido marcado unha vez máis polas lesións, que obrigaron ás de Vivian Dors a xogar con 10 xogadoras (e non todas en condicións físicas óptimas). A ADC Monte Forte superou por 1-0 ás EF Lalín.

O MELLOR

A SD Antas está a asinar unha temporada histórica. Veremos ata onde son capaces de chegar as co Castro Seoane.

O PEOR

O CD Lugo tivo na súa man o pase de ronda. Agora todo se decidirá na vindeira xornada, nun campo moi complicado.

DESTACADAS:

CD Lugo: Non comunica.

SD Antas: Marta asinou un excelente partido.

SG Comercial: As dez guerreiras que loitaron até o pitido final.

SCD Milagrosa: Leire, autora do primeiro tanto.

ADC Monte Forte: Non comunica.

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.