Na tarde de hoxe, a Federación Galega de Fútbol deu a coñecer o calenadario da Terceira División, así como da Preferente Autonómica nos seus dous grupos, Norte e Sur, para a temporada 2018-2019. Ámbalas dúas competicións darán comezo a fin de semana do 25 e 26 de agosto.
Na Terceira División, o fútbol lucense contará con dous representantes: o Racing Vilalbés e o Polvorín, filial do Clube Deportivo Lugo. O cadro chairego, dirixido esta temporada por Xoan Peón, comeza a liga na Madalena ante un histórico do fútbol galego que retorna esta campaña á Terceira: o Porriño Industrial. Tamén rematará a competición na casa, recibindo o 19 de maio de 2019 a U.D. Ourense, clube herdeiro do desaparecido Clube Deportivo Ourense.
FILIAL | Calendario
🏆TERCERA DIVISIÓN Grupo I
Jornada 1
📆26 de Agosto#PolvorínFC 🆚#SD_Compostela#AUniónFaiForza #EspíritoLoitador
— CD Lugo Canteira (@CDLugoCanteira) July 30, 2018
O Polvorín, que debutará na categoría, faino ao grande, recibindo na primeira xornada á S.D. Compostela. Os de José Durán rematarán a liga tamén como locales ante o Paiosaco, revivindo os grandes encontros polo ascenso na Preferente.
Podes consultalo calendario completo de Terceira neste enlace: calendario terceira.
Haberá que agardar ata a xornada 11 para disfrutar do derbi entre o Polvorín e o Racing Vilalbés. Disputarase o 4 de novembro no campo do filial lucense. O encontro de volta será o 31 de marzo na xornada 30 en Vilalba.
[themoneytizer id=»15360-3″]Na Preferente Norte contamos con cinco equipos lucenses: Ribadeo F.C., C.D. Castro, Viveiro C.F. e os recén ascendidos C.D. Foz e S.D. Sarriana.
O Ribadeo comezará a competición na casa recibindo a un recén ascendido como a S.D. Agolada e rematará a mesma tamén no Pepe Barrera coa visita do Negreira, un dos conxuntos a priori máis potentes da categoría. O Castro, ás ordes de Gonzalo Edrosa debutará no Arturo Pereiro ante o refundado Atlético Coruña Montañeros para finalizar recibindo ao Agolada tamén como local. O Viveiro, moi reforzado para esta temporada xogará a primeira xornada en Cantarrana ante o sempre complicado Arzúa, e rematará a competición a domicilio ante o Arteixo.
En canto aos equipos que retornan á Preferente o C.D. Foz comezará no campo do Puebla mentras que a S.D. Sarriana farao na Ribela ante o San Tirso. Os mariñáns finalizarán a temporada en San Lázaro ante o Noia, mentras que os de Alberto López poranlle o broche a esta campaña como locales ante o C.D. As Pontes.
Na Preferente, o primeiro derbi chegará na terceira xornada e enfrontará a Sarriana e o Foz. Cabe destacar o derbi mariñán entre o conxunto focense e o Ribadeo na penúltima xornada de liga, no que os puntos poden ser máis que decisivos, así como o que enfrontará a Sarriana e Viveiro na antepenúltima.
Aquí podes ver o calendario completo: calendario preferente norte.
Na asamblea celebrada hoxe fíxose público o acordo entre a Federación Galega de Fútbol e a empresa de apostas deportivas Luckia, mediante o cal nas dúas próximas temporadas poderanse facer apostas combinadas online cos encontros dos equipos galegos de Primeira, Segunda e Segunda B que se denominará A Xogada. Os conxuntos de Terceira e Preferente beneficiaranse económicamente deste acordo, percibindo un total de 2.000 euros cada un deles (a cobrar en dous plazos de 1000 euros cada un deles).
