Isto é ben recente. Aconteceu o pasado sábado. O día do II All Star Futbolinlugo en Carballedo. Serían sobre as oito da mañá cando recibín un audio de Whatsapp de Diego Díaz, un dos redactores desta casa. Dicía algo así:

«Ei, Juanma! A ver se me podes facer un favor antes de saír de Lugo. Tesme que traer uns carteis da final de Copa que ten Aarón (adestrador de Outeiro). Tres ou catro para colgar aquí en Carballedo, que llo prometín. E ao final andabamos os dous a tope, e fóisenos a pinza e non quedamos».

Ata ese punto todo normal. Pero levaba un engadido, unha segunda parte coa que non contaba.

«Hai un pequeno problema. Aarón xa vai camiño de Coruxo a xogar un torneo cos pequenos. Pero dixo que amañabamos fácil. Deixou o coche aberto nas Gándaras. Dixo que tiña todo bastante colocado, que colleras tres ou catro carteis da parte de atrás e pecharas a porta tal cual a abriras«.