No noso fútbol os clubs non son alleos á realidade social que hai ao seu redor. Así o acreditou esta fin de semana o Portomarín nunha mensaxe de apoio antes de comezar o partido ante o Corgo no Chao da Poza. Ademais o Carballedo repite protagonismo nesta sección e vemos como aproveitan os equipos os seus días sen competición.

O Portomarín volveu ao camiño da vitoria na súa casa vencendo con claridade no marcador ao Corgo (7-3) na quinta xornada da Segunda Rexional grupo sur. O conxunto adestrado por Sousa volve coliderar deste xeito a categoría empatado a puntos co Guntín. O que tamén colidera o cadro portomarinense son as reivindicacións que están facendo as nais e os pais do CEIP Virxe da Luz. O motivo é a redución de profesorado que supuxo un reagrupamento dos cursos que van dende os 6 aos 12 anos en só dúas clases. O equipo da vila saltou ao céspede do Chao da Poza cunha pancarta de apoio aos seus veciños:

Na Segunda galega feminina o Carballedo non esquezará a data deste domingo. Conseguiu o seu primeiro triunfo en competición oficial na cuarta xornada da liga ante o conxunto da Torre. Ademais fíxoo diante da súa afección, no Catro Ventos. O resultado final amosa un 3-2 aínda que o cadro lucense encaixou o segundo gol nos últimos instantes do partido. A celebración non era para menos no vestiario:

A situación da Terceira Rexional no grupo sur é peculiar cada fin de semana na que sempre descansan dous equipos. O renuncio a competir do FC Becerreá e do Laxosa (este na última semana antes do inicio da liga) e a non modificación do calendario provoca esta circunstancia. Non obstante, hai equipos que aproveitan ben as fin de semanas nas que non teñen partidos. Desta volta foi o caso do Río Sil; o cadro soberino leva dúas vitorias nos tres partidos xogados e repuxo forzas a súa maneira:

Pechamos sección cun dos equipos con máis xogadores da provincia nas distintas categorías que xa ten novo campo no que pisar. Os equipos da SCD Milagrosa xa usan o Luis López Gorgoso dende a semana pasada, despois das remodelacións do céspede.

Comparte

Sobre o autor Ver todos os posts

Iván Calaza

Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Deixa un Comentario

O teu Email non se publicará. Cubre os campos requeridos*