Redactor - Diego Díaz Martínez

O público galego, vetado por un mínimo de tres semanas

Falou hoxe o presidente Feijoo e volveu subir o pan. E baixaron unha vez máis as nosas liberdades. O noso deporte non se librou deste novo paquete de restriccións, no que a novidade principal é a prohibición de público nos nosos campos. Estes son os puntos fundamentais dunhas medidas que entrarán en vigor na madrugada deste mércores. E ata, como mínimo, o 17 de febreiro co remate do Entroido:

  • Mantéñense as competicións de carácter nacional. Seguen a Segunda División B e a Terceira División. Iso si, sen afeccionados nas bancadas. A porta pechada. Racing Villalbés, Viveiro e Polvorín non poderán contar cos seus seguidores. Aínda que seguramente o valado da Cheda acapare parte do público que perdan os domingos os centros comerciais.
  • Nas citadas categorías, que tamén inclúen a División de Honra xuvenil, a Liga Nacional xuvenil e o Reto Iberdrola, estará permitido o adestramento colectivo.
  • A práctica do fútbol a nivel autonómico e amateur redúcese ao exercicio individual con máscara ao aire libre. E no propio Concello. É dicir, pódese saír a pasear ou correr cun balón no pé. Actividade deportiva compricada xa que hai que seguir mantendo a distancia de seguridade interpersoal.
  • O ‘toque de queda’ mantense ás 22.00 horas.

O Anecdotario: «Merenda para dúas», por Rocío Candal

Como xornalista vivín un episodio curioso a temporada pasada. Contareino moi  brevemente. Partido de Terceira División, Arosa-Racing Villalbés. Mes de febreiro, últimos  encontros precovid. O Estadio da Lomba estaba en obras naquel momento, así que o equipo de Rafa Sáez xogaba os seus partidos como local en Vilaxoán, a escasos quilómetros de Vilagarcía.  Por motivos técnicos, nese recinto, os xornalistas ubicámonos na bancada, mesturados co público. 

Eu aquel día cheguei coma sempre, unha hora e cuarto antes do partido, e sentei máis ou menos á altura do medio do campo. Ao principio estaba soa, logo, en plena previa, uniuse un matrimonio;  terían 65 anos, máis ou menos, e ubicáronse na fila que estaba diante da miña.  

Sobre as 16:30 horas, despois de facer eu a primeira conexión coa radio para presentar as aliñacións, a muller xirouse cara min e iniciamos unha conversa. Explicoume que era a nai dun xogador do Arosa -non direi o nome por manter a súa privacidade- e ofreceume unha manta. “Fai moito frío, nena”, argumentou. Eu rexeiteina. Agradecinlle o seu bonito xesto, pero díxenlle que non se preocupase, que estaba ben. 

Pasaron uns minutiños e, sobre as 17:00 horas, principiou o partido. Cada pouco tempo, a muller miraba cara min e sorríame, nun xesto de complicidade. 17:47 horas, tempo de descanso, hora da merenda. María (nome ficticio) saca unha bolsa pequena chea de froita e convídame. Eu, novamente, agradezo infinitamente o seu xesto, pero entre aguantar o aparello da radio e o caderno de notas non me dan as mans para todo.  

Pouco despois, abre un paquete de tortas de arroz. “Colle aínda que sexa a metade, neniña, que algo tes que comer”, insísteme. Case simultaneamente, comeza a segunda metade, polo medio, María anima ao Arosa, sempre con berros respectuosísimos. 18:50horas, remata o partido,  despedímonos e eu, de camiño ao coche, sigo pensando nela, na súa bondade. Que gusto e que sorte atopar xente así. Descoñezo se María ten netos, senón, oxalá algún día os teña e poidan gozar dela. Que muller tan entrañable!

Rocío Candal Barbeito. Xornalista no En Xogo e Galicia en Goles. A voz do fútbol feminino autonómico

Louzán: «Non cobramos aos clubs salvo o seguro para adestrar»

Os medios de comunicación galegos tiveron esta mañá unha reunión telemática co presidente da Real Federación Galega de Fútbol Rafael Louzán e o seu equipo de traballo. Co obxectivo de respostar a todas as dúbidas e inquedanzas no relativo á «suspensión temporal» do fútbol e do deporte federado en xeral por parte da Xunta de Galicia. Aquí vos deixamos o máis destacado da mesma.

MEDIOS DE COMUNICACIÓN: Teme a paralización do fútbol estatal non profesional?

REAL FEDERACIÓN GALEGA DE FÚTBOL: Hai garantías para que poida seguir con normalidade pero seguimos a expensas da evolución da pandemia. Abordaremos esta situación nunha reunión que temos mañá coas territoriais españolas. Falaremos sobre esta situación pero penso que debera continuar. O que si poido adiantar é que na temporada 22/23 está previsto que todos os grupos da Terceira División Nacional teñan 16 equipos.

M. C: Hai unha data límite para decidir se se continúa competindo ou non?

RFGF: Traballamos en todos os escenarios, estamos co terceiro plan previsto. De iniciarse a competición poderíamos solaparnos coa temporada seguinte, mes de xullo. Queremos evitar meternos na seguinte temporada, pero podería darse. Intentaremos adaptarnos ás circunstancias que nos veñen. A nosa misión é que a xente xogue e compita e intentarémolo ata o final. Non queremos enfrontamentos de comunicados, buscaremos o consenso.

M. C: Cando e como se terían en conta os efectos clasificatorios?

RFGF: Hai que distinguir entre ámbito estatal e autonómico. Nas estatais tense que disputar o 100% da primeira fase e nas autonómicas o 50% das xornadas previstas para toda a competición.

M. C: É posible cuantificar a perda económica para a RFGF no caso de non iniciarse as competicións?

RFGF: Creo que a iso adelantámonos e moito. Temos garantizada a nosa solvencia coas xestións que temos feitas. Mañá cuantificarase nesa reunión coas territoriais.

M. C: Devolverá a RFGF o importe das licencias no caso de non comezar as ligas autonómicas?

RFGF: A RFGF non cobrou cantidade algunha aos clubs salvo o seguro pertinente para poder adestrar. Non se esixiu pago algún polo custe da licencia e da inscrición na competición. Vaise publicar unha circular COVID Número 2 con todas as respostas ás diferentes situacións que poden ter os clubs.

Diario dun mercado. Episodio 199

Berodia xogará finalmente no Ribadeo

Juanma, sólido argumento defensivo do Ribadeo

A suspensión do fútbol afeccionado paralizou un mercado de Preferente que se viña axitando nas últimas xornadas. Unha parálise que nos impedirá ver, polo momento, a chegada do atacante do Taboada Diego ao Atlético Escairón. Pero que permitirá recuperar lesións con moita máis calma. É o caso dunha das caras novas pola Liga. O atacante Miguel Casas, procedente do Cedeira, partiu un dedo dunha man nos seus primeiros días co Santaballés.

Este parón leva a calma á Mariña, onde os movementos eran unha constante en días pasados. La Voz de Galicia adiantou o regreso do meta Rubén ao Foz. E o Ribadeo confirmou unha serie de fichaxes, entre eles o galáctico que avanzou esta casa: Gerardo Berodia vestirá a casaca do equipo de Rafa Casanova. Un conxunto que recuperou a vellos coñecidos para a causa. O xa excentral do Pastoricense Juanma regresa ao Pepe Barrera ao igual que o atacante Adrián Barrera. Ademais, suman ao defensa do Friol Dani e ao goleador Javi Fraga. Contrastado dianteiro o de Burela, ex de Polvorín, Castro e Sarriana.

Por último, na capital a Residencia segue con varios xogadores a proba. E apunta a ter un amplo cadro de xogadores. Nel estará seguro unha das súas flamantes fichaxes: o lateral zurdo Alvarito. O apicultor, ex da Sarriana e Pol entre outros, apunta a un carril esquerdo no que faltará esta temporada o emblemático Charly. 

O partido en imaxes: Polvorín-Racing Villalbés (2-0)

Fotógrafo: Diego Díaz

O anecdotario: «Unha ausencia excusada», por Maikel

Lemos-Xove Lago. Partido dun domingo ás 12.00 horas. Cando xogamos a esa hora, o club invítanos a comer. Neste caso, nun restaurante en Monforte.

Unha vez rematado o encontro, con derrota incluida (ese ano ascendeu o Lemos), fomos ao restaurante todos. Aínda me acordo ben do segundo prato. Moi bo o solombo ao roquefort.

Tomamos o café e puxémonos a falar un cacho tomando o café na mesa. Acabamos todos e veu un directivo preguntar se xa estábamos listos para saír cara á Mariña.

Dixemos que si e marchamos cara o bus. Antes de saír definitivamente, a pregunta de rigor:

-«Estamos todos?»

Nós sempre estábamos coa broma de: «Non, falta tal ou falta este outro».

Dígovos, en serio, que ese día non a fixemos e arrancamos o bus. Cando xa estábamos saíndo de Monforte chamou un compañeiro, non vou dicir o nome, ao central Álvaro Otero.

-«Onde estades?».

-No bus.

Resulta que quedara no baño. Facendo as necesidades da salsa do solombo. Volvimos por el ao restaurante entre as risas de todos. Davicinho, Diego Chao, Álvaro… e todos os que alí estábamos. Polo menos fíxose amena a volta.

Maikel Pérez Río. Unha institución no fútbol mariñán. Referente no Xove Lago

Diario dun mercado. Episodio 198

Si, hoxe é un día de merda! Non o imos negar. Nunhas horas comparecerá o presidente da Xunta de Galicia e volverannos pechar a todos. Decisión do Comité Clinico, un ente no que moi poucos desexarían estar. Un equipo incansable ao que lle sobra traballo pero, por desgraza, non afonda en exceso na saúde mental dos nosos cidadáns.

Samu, unha das apostas do novo Foz

E nese ámbito queremos aportar nós. Á nosa maneira, con alegría e boas noticias. A contracorrente do mundo pero tratando de dar algo de luz nun día gris. Xa que temos un compromiso social desde o día que se nos abriron as portas das casas da provincia de par en par. E enormemente agradecidos seguimos máis de catro anos despois.

Sabe Dios xa os días que levamos sen Preferente. E seguramente queden máis dos que se estipulaban. Volverá, non o dubiden. Pero hoxe negámonos a aportar máis negatividade. Así que, nun novo e importante esforzo, pretendemos achegar unha edición especial do ben querido Diario dun Mercado. Así que apreciado lector, esperamos alegrarlle os próximos cinco ou seis minutos con esta lectura. Ese é o noso obxectivo. Máis alá de informarlle de todas as novidades do noso fútbol, que fomos perseguindo de norte a sur da provincia.

Comezamos a nosa viaxe na Mariña, onde o Foz conta con dous novos xogadores a expensas da pertinente confirmación oficial. O atacante Xesús, que chega desde o Xove Lago. Así como o xove Samuel, centrocampista natural de Goiriz e que procede do Riotorto. Pola súa parte, os veciños de Ribadeo confirmaron as incorporacións xa adiantadas de Santi e Luky (Friol). Así mesmo suman a Iván Moreda da SD Ribadeo, o defensa Anxo ex do Barco ou Rúa ourensáns e ao lucense Xairo. Este último, xogador de banda que militou no Racing Villalbés e Lugo B.

Anás recala no Atlético Escairón de Julio Corral

Na zona centro, a Residencia conta con tres novos xogadores adestrando. Veremos cantos deles fichan finalmente. Son os seguintes: o dianteiro Xavier Foliadoso (Castro e Pol), o central Diego (Guntín) e o lateral zurdo Brais (Castro). Na Sarriana incorporaron a Gabriel, un dos homes máis destacados do Taboada. E do Santaballés facémonos eco dunha sonada baixa: a do centrocampista Soto.

No sur da provincia, o Lemos repesca para o noso territorio ao todoterreo Santi Sommariva. Os veciños do Atlético Escairón asinaron ao meta Ivi (Lemos B) e ao talentoso Diego Arias (Chantada), como adiantou La Voz de Galicia. Ademais, esta casa pode confirmar as incorporacións do polivalente Anás (Río Sil), Lucas (Chantada Atlético) e o exxogador do Calasancio Nico.

Por último, un par de apuntamentos máis. O antigo dianteiro de CD Lugo e Racing Villalbés Javier Ballesteros asinou polo Silva de Terceira División. E o técnico José Manuel González ‘Ponfe’ foi confirmado de xeito oficial polo PM Friol do Reto Iberdrola.

O anecdotario: «Autoxestión de ratón», por Pablo Hdez

Vivimos grandes anos no Polvorín. Recordo unha das fases de ascenso a Liga Galega que xogáramos. Adestrábanos Juan Carlos Rodríguez, que tiña unha curiosa manía. A de poñernos os partidos do rival para analizalo todos xuntos.

A xeración de Pablo celebrando unha Copa cadete

Era un venres e comezou un ‘speech’ (discurso) dunha hora. Nós viríamos con algunha caña enriba. Seguro que o primeiro que pensamos foi: «pero que merda é esta…». Pero o relato animouse. E o míster soltou unha comparativa espectacular:

-«Vós que preferides ser? Cabeza de ratón ou cola de león?» «Actitude, actitude!!»

Saímos do vestiario todos mortos de risa. Non sabíamos con quen pensaba que estaba a falar. Só éramos uns rapaces que queríamos saltar ao campo e pasalo ben.

De súpeto, o míster decatouse de algo. Máis ben de alguén que se foi da lingua.

-(un xogador, actualmente en Preferente): «Pois eu quero ser as dúas, cabeza de ratón e cola de león».

O adestrador enrabietouse de tal maneira que acabamos adestrando sós, o día antes dunha fase de ascenso. Dixo que non ía ao campo a perder o tempo. Seguro que razón non lle faltaba… Pensábamos máis en pasalo ben que en competir.

Pablo Hernández Castillo. Porteiro xubilado. Xogador formado nas categorías inferiores de Milagrosa e Polvorín

Berodia: «Me llamaron de clubs de todas las categorías superiores»

Non tódolos días chega unha estrela a Barreiros. Gerardo García Berodia (Madrid, 6-6-81) cambiou os focos pola brisa do mar. Os contratos profesionais e os anuncios pola ‘pachanga’ dos venres no Cascabeiro. Un cambio radical, unha adaptación á realidade para quen se nega a deixar o que lle fai feliz. A pelota sorrí de novo, o ‘Mago’ está de volta un ano e medio despois. E os afeccionados lucenses terán o seu merecido epílogo tras a súa descafeinada marcha do CD Lugo.

(Realizamos esta entrevista en castelán por deferencia ao noso entrevistado).

FUTBOLINLUGO: Buenas Gerardo. Parece que elegiste el año más complicado para volver al verde…

BERODIA: Pues si. Esto de la pandemia afecta a todo. Si nos dejan jugar jugaremos. Veremos.

FIL: Empecemos por el principio. ¿Cómo acaba Gerardo Berodia en A Mariña?

BER: Ya habíamos decidido a finales de 2019 irnos a vivir a la costa de Lugo. Cuando teníamos todo más o menos previsto, estalló el tema del COVID. Nos quedamos en Madrid durante el confinamiento. Vinimos en verano. Teníamos ganas, queríamos venir para aquí, nos gusta mucho la zona.

Quería matar el gusanillo pero es otro ritmo

FIL: Imaginamos que ahora llevas una vida muy distinta tanto en lo personal como en lo futbolístico…

BER: Evidentemente después de jugar a un nivel más profesional, yo ya no estaba para entrenar cuatro días a la semana  y jugar en Tercera División o así. Quería matar el gusanillo de entrenar y jugar. Pero es otro ritmo, obviamente.

FIL: Pero hay cosas que no cambian. Tenías el cartel de estrella en Bolivia y también en Barreiros.

BER: Cambia mucho el cuento pero al final lo que trato es de jugar y competir los fines de semana. Estar en un grupo y tratar de ayudar. En Barreiros insistieron mucho y considero que les puedo echar una mano.

FIL: ¿Qué te aporta el fútbol aficionado que no te diese el fútbol profesional?

En Barreiros insistieron mucho y considero que les puedo echar una mano

BER: La exigencia no es la misma, a nivel de todo. De descanso, de alimentación. El fútbol profesional es un mundo completamente diferente, hay que dedicarse 100% a ello. Aquí tienes la posibilidad de compaginarlo con cualquier trabajo, tu vida personal. Que puedas entrar y salir sin medir tanto el como tienes que hacer las cosas. Trato de disfrutar y pasarlo bien.

FIL: Ahora toca la contraria. ¿Qué echas de menos del fútbol profesional que no tengas ahora?

BER: El día a día de entrenar por la mañana, de sentirte futbolista y vivir de ello. Jugar en buenos campos y sentir la adrenalina con la gente en las gradas. Todo el mundo siempre quiere vivir o trabajar de lo que te gusta. Era mi medio de vida y ahora no. Ahora juego por ocio, es un concepto diferente. Quiero disfrutar de los compañeros, del grupo y de esta zona nueva a la que vengo a vivir. Ya soy mayor y todo lo que el cuerpo me deje estaré agradecido.

Si a final de temporada me encuentro fenomenal a lo mejor me planteo otra opción

FIL: Decías que Barreiros insistió mucho. ¿Fue la única oferta que tuviste en tu regreso a la provincia?

BER: Me llamaron varios equipos, bastantes la verdad. No tenía intención de meterme una exigencia de entrenamientos de tres o cuatro días a la semana. No me apetecía eso. Llevo año y medio parado, quiero ver como me encuentro. Si a final de temporada me encuentro fenomenal y me pongo en peso a lo mejor me planteo otra opción para el año que viene

Con el Viveiro fui honesto, no me veía para jugar en Tercera División

FIL: Se habló mucho del Viveiro. ¿Qué llegó a haber realmente de ese tema?

BER: Hubo contacto, como con muchos clubs de la zona. Me preguntaron por mi situación y poco más. Fui muy realista y les dije que no me veía para jugar en Tercera División a día de hoy. Quise ser honesto con ellos, así como con todos los clubs de ‘nivel’ que llamaron.

FIL: Por lo que dejas caer, existió interés de todas las categorías superiores a las del Celta Barreiros.

Ya soy mayor y todo lo que el cuerpo me deje estaré agradecido

BER: Si, de la zona todas. Es así.

FIL: Por último, sabes que tenemos una pizza pendiente en Galipizza, ¿recuerdas?

BER: Vamos cuando queráis, solo tenéis que llamarme y vamos.

O anecdotario: «Media semana de honra», por Dani Pérez

Dani, en acción

Ano 2013, finais de xaneiro. Era eu cadete de primeiro ano e xogaba no Polvorín. Citoume Julián Castaño, o coordinador do club. Pola tarde e que fose con meu pai.

Xusto antes ían dous compañeiros. Así que, obviamente, pensamos que fixéramos algunha trastada. E íamos ver as consecuencias, coincidindo os tempos co meu cumpreanos. Foi todo o contrario. Díxome que me quería fichar o CD Lugo. Penseino uns días e aceptei a oferta albivermella.

Fun adestrar uns días por alí. O primeiro, un mércores. Para estrearme tocaba ese día pasar probas físicas. Mal plan, a diferenza entre a Liga local e a División de Honra era unha auténtica salvaxada. Acabei morto. O venres xa tocou un adestramento normal. E o sábado ou domingo entrei na convocatoria, xa que só había dous porteiros. Daquelas eran Pablo Cacharrón e Manu Cedrón. E tiña que ir un terceiro por se pasaba algo.

Esa foi a miña aventura esa temporada no Lugo. O luns no recreo do instituto rompín a tibia e o peroné xogando ao fútbol. Estiven apartado uns sete meses dos terreos de xogo e un ano sen volver a competir. Ata o xaneiro seguinte non puiden estar na Liga. Pero puiden xogar en Honra e de albivermello despois da media semana da temporada anterior.

Dani Pérez Fernández. Porteiro do Guntín, dende cativo entre paus

Estes son os equipos inscritos para a Preferente e Primeira

Xa sabedes que nesta casa non entendemos de domingos nin festivos. Hoxe coñecemos os equipos de Preferente e Primeira que formalizaron a súa inscrición oficial en ámbalas dúas categorías. Tamén os equipos que xogarán en Ligas galegas na base e a Primeira galega feminina. Recordamos que a data límite para apuntarse en todas estas competicións era onte, 31 de decembro.

Na Preferente, todos os conxuntos da provincia da Coruña así como da de Lugo dixeron si. Un total de vinte e tres equipos entre os que están o Santaballés, Sarriana, Foz, Atlético Escairón, Lemos, Ribadeo e Residencia.

Por outra banda, na Primeira só se inscribiron oito equipos: Burela, Xove Lago, Pol, Chantada, Chantada Atlético, San Lázaro, Guntín e Castro.

Na Primeira feminina súmase o Lugo aos nosos representantes na anterior campaña: PM Friol B e Antas.

Volve o derbi entre Lemos e Atlético Escairón. Mariluz Fagín

No relativo ás competicións autonómicas de base seguirán o 99% dos conxuntos galegos. Estes serán os nosos representantes.

Galega xuvenil norte: Residencia, Viveiro, Racing Villalbés B e Polvorín.

Galega xuvenil sur: Calasancio.

División Honra cadete: CD Lugo.

Galega cadete norte: Milagrosa, Racing Villalbés, Ribadeo, Viveiro e Lugo B.

Galega cadete sur: Calasancio.

Galega infantil norte: Viveiro, Lugo e Residencia.

I Xornadas Futbolinlugo Burela Bonita: «Mesa redonda»

A traca final das I Xornadas Futbolinlugo Burela Bonitafoi unha mesa redonda cos relatores participantes nas mesmas. Un elenco de luxo que contestou ás preguntas formuladas abertamente sen tapuxos. Cris Oreiro, Yago Iglesias, Roberto Fernández, Bruno Gómez, Simón Lamas e Juan Rodríguez; totalmente dispoñibles para os seguidores de Futbolinlugo durante preto de media hora.

«No fútbol e na vida fai falta sorte. A sorte búscase con traballo (Yago Iglesias)»

As cuestións foron do máis variado, relacionadas cos diversos temas tocados durante as xornadas. Así como outros cos que gardaban unha estreita conexión. Adestramento de porteiros, anécdotas, tópicos a debater, a relación xogador-adestrador… En definitiva, puro fútbol ao servizo da nosa comunidade.

«Durante a semana non había titulares nin suplentes. Os once mellores xogan cada domingo pero non hai suplentes. Todos teñen que sumar (Bruno Gómez)»

As conferencias desenvolvéronse o 14 de novembro no Salón de Conferencias no Concello de Burela. A asistencia estivo moi limitada por mor das restricións sanitarias da Covid 19. Non obstante, o evento puido seguirse en directo vía streaming. Ademais as ponencias quedaron gravadas e poderán ser visualizadas na canle de Youtube de Futbolinlugo.

Trátase dun Congreso feito en colaboración co Concello de Burela. Pretendemos manter o espírito do fútbol nunha época complicada. Así como reivindicar o talento dos adestrador@s lucenses e galegos. A nosa idea é a de seguir medrando e poder continuar facendo comunidade a prol do noso fútbol.

Todos os relatores recibiron de agasallo unha pizarra personalizada desta casa

Esta aposta, súmase a outros eventos e accións promovidas por Futbolinlugo máis aló da nosa web. A primeira iniciativa foi a publicación da Guía ‘Fútbol en Lugo’ en colaboración con El Progreso. Publicouse en dúas ocasións. Nesta tempada non se realizou xa que o inicio das competicións foi suspendido.  O segundo evento ao grande desta comunidade foi o I All Star Futbolinlugo. Fíxose ao final da temporada 2019/2020. A gran festa do fútbol lucense tampouco puido levarse a cabo neste ano. Pero tentaremos consolidar o proxecto en futuras edicións. A nosa entidade tamén organiza o ‘Ránking Futbolinlugo’, unha competición de pádel en colaboración con Lucus Pádel. Esta cita segue en marcha nestes tempos pandémicos. A segunda edición xa está dando que falar.

Especial Amor a dous toques: Rafael Louzán e Carlos Negrín

Queríamos pechar este 2020 atípico ao grande. Cun programa especial de Nadal dunha das sensacións da corentena: Amor a dous toques. O espazo conducido polo noso colaborador Manu Amor contou con dous invitados de luxo para despedir o ano. O presidente da Real Federación Galega de Fútbol así como o seu vicepresidente. Durante pouco máis de media hora, Rafael Louzán e Carlos Méndez ‘Negrín’ respostaron a todas as preguntas da redacción desta casa así como á escolma das realizadas polos nosos seguidores nas diferentes redes sociais de Futbolinlugo.

Louzán e Méndez analizaron o ano máis raro das nosas vidas así como a actualidade, que sempre manda, e o futuro próximo do noso deporte. Protocolos, descensos, inscricións… Unha ampla gama de temas baixo o prisma obrigado da reactivación do noso fútbol. Aquí vos deixamos o documento coa entrevista íntegra acompañado de varios dos destacados que nos deixou. Dentro vídeo!

As perdas son tan ou máis graves ca noutros sectores
Renegociación do tema dos descensos? Hai informacións que non teñen nada que ver coa realidade
Aínda hai incerteza sobre se poderemos comezar competir, a pandemia volve ter gran incidencia
Somos o último deporte que se pon en marcha en Galicia, e o único que pon garantías enriba da mesa
O coordinador COVID só terá que informar, nada máis, cando haxa un positivo
Está contemplada a opción de que o vestiario local sexa cedido ao equipo visitante, que é o que se ten que desprazar

A Segunda Sur, entre as dúbidas e o non

O Grupo Sur da Segunda Galicia mantense na liña xeral do fútbol lucense. A do rexeitamento e as dúbidas ante a reactivación da competición esta mesma temporada. Antes de rematar este horrible 2020, analizamos club por club a postura ao respecto de todos os integrantes da categoría.

Ferreira: Aseguran con rotundidade que non van xogar.

Río Sil: Non son partidarios de xogar. O feito de marchar mollados e enlamados para a casa, faino inviable. Moitos xogadores tardan un bo anaco en chegar ás súas casas.

Becerreá: O club non tomou unha decisión oficial ao respecto.

Brollón: O club xa comunicou de maneira oficial a súa renuncia a participar esta temporada.

Chantada B: A postura é a mesma que no primeiro equipo. A decisión do club é para todos os seus conxuntos. En principio, apuntarían a iniciar a competición.

Corgo: Decidirán se participar ou non cando exista unha decisión en firme sobre a disputa da competicion. Analizando tamén a situación sanitaria nese momento.

Quiroga: Reuniranse cos xogadores para decidir o que facer. Queren analizar ben os protocolos e entenden que o parecer dos futbolistas é fundamental para inclinarse cara un lado ou o outro.

O Incio: Se agora mesmo tivesen que decidir non sairían á competición. Aínda que consideran que teñen algo de marxe polos tempos.

Páramo: Pensan que a situación actual non está como para iniciar un debate sobre xogar ou non. Teñen ganas de tocar balón pero avogan por manter a postura máis razonable e sensata. Por iso, valorarán a situación chegado o momento.

Paradela: Non teñen unha postura pechada pero obsérvano con preocupación ao mesmo tempo que agardan acontecementos.

Milagrosa: Manteñen a mesma postura que tres meses atrás, cando firmaron o escrito con outros clubs de Segunda e Terceira Galicia. Pensan que seguen sen darse as condicións sanitarias para que a competición se reanude.

Sporting Lucense: Non o teñen claro e pensan que isto non é prioritario neste momento. Falarán sobre o tema esta semana para tomar unha decisión en firme.

Antas: Atópanse valorando a situación e agardando a resposta dos xogadores. Non teñen présa xa que consideran que febreiro queda moi lonxe con esta situación actual tan cambiante.

Palas: A día de hoxe o Palas non sairia a competir. Non o plantexan a curto prazo pero de ser máis adiante, valoraríano.

Oural: A postura actual é a de non inscribirse. Pensan que a temporada esta perdida. Son afeccionados, a xente traballa e non hai presa algunha. Entenden tamén que haxa xente que queira xogar pero consideran que non é o momento axeitado para facelo.

Bóveda: Sóbranlles ganas por competir. Pero o sentido común obrígalles a dicir que non.

Santa Comba: Non sairán competir nesta situación. Entenden que a responsabilidade sobre a saúde das persoas é inasumible para eles. Están abertos a un posible cambio de idea cando a situación sanitaria mellore.

Simón Lamas, destituido coma técnico do Racing Villalbés

O substituto de Simón atoparíase moi preto, apunta a outro homiño da casa

Saltou a gran sorpresa do Nadal na Magdalena. Pasadas as oito horas desta mesma mañá, o Racing Villalbés comunicaba a destitución de Simón Lamas. O ata agora técnico do club chairego foi cesado do seu posto onte á noite por «motivos deportivos» según reza o comunicado emitido pola entidade vilalbesa.

O Racing fixo público nun escueto escrito esta complicada decisión sobre un dos seus estandartes, home da casa e que cumpría a súa terceira temporada á fronte do primeiro equipo.

«O Racing Villalbés quere comunicar aos seus socios e simpatizantes unha das decisións máis duras deste século. Unha decisión tomada por motivos soamente deportivos. Simón Lamas non seguirá no equipo sénior da entidade. Somos conscientes do seu gran traballo, reflectido nuns magníficos resultados no noso feudo. Porén, queremos dar un paso adiante a domicilio. O club quere agradecer o seu esforzo e dedicación durante todo este tempo e recordarlle a Simón que esta sempre será a súa casa. E que se el quere, terá un oco no staff técnico da base. O seu substituto será comunicado nos vindeiros días. Felices festas e Forza Racing».

Sobre o seu sucesor, a rumoroloxía apunta a que podería ser un home da casa. Con escasa experiencia e moito ímpeto. O mesmo perfil que no seu día asinaba o bo de Lamas.

O anecdotario: «A recomendación do descanso», por Belarmino López

Ano 2001. Belarmino nun partido de promoción de ascenso a Segunda División entre a Cultural Leonesa e o Xerez

Remontámonos á década dos 90, aos meus comezos como colexiado. Dirixía un partido, correspondente á Segunda Rexional, nunha localidade próxima a Monforte de Lemos. Omito o nome do equipo xa que é irrelevante.

Era un partido moi bronco, onde na primeira metade tiven que expulsar a un xogador local. Onde o público estaba moi alporizado coa miña actuación. Unha vez finalizada a primeira parte, estando eu dentro do vestiario, solicitou permiso para entrar unha persoa. Concedinlle autorización para entrar. De forma moi educada preguntoume se necesitaba algo. E que estivese tranquilo que aquí non ía pasar nada. Que eles aos árbitros sempre os trataban ben.

Posteriormente díxome: Vouche dar unha recomendación: se pitas a favor do equipo local (nome que vou omitir), mañá vouche poñer no comentario do xornal (El Progreso), que tiveches una excelente actuación. Así cando acabe a temporada seguro que ascendes”.

Esta foi a miña resposta: «Dame igual, relate o que queira«.

Contestou de novo, molesto: «Xa se che poño mal seguro que non ascendes. Como ti queiras, pénsao ben».

Saín de novo arbitrar a segunda metade…

O luns cando vin a prensa fun á información do partido. O cronista adicábame uns calificativos pouco agradables: «moi mala actuación, nefasto».

Era obvio que ao equipo local non lle favoreceu o resultado.

Belarmino López López. Excolexiado. Dos chifres máis destacados da provincia

Conferencia Roberto Fernández: «Metodoloxía de adestramento de porteiros»

Roberto Fernández é toda unha institución no mundo do fútbol. Gardamallas con centos de partidos no fútbol profesional, principalmente entre Granada e Lugo. Nos últimos anos, encargouse da preparación dos porteiros do propio club albivermello. Nesta temporada na que agarda por novas aventuras pasouse polas I Xornadas Futbolinlugo Burela Bonita para falar sobre «Metodoloxía de adestramento de porteiros».

«O adestrador de porteiros é unha figura que se ten que adaptar á situación e á forma de ver o xogo do adestrador do equipo»

O técnico de Chantada realizou unha exposición detallada e amena, repleta de imaxes e vídeos. Na que se puido observar os recursos e procesos no traballo diario e semanal cos porteiros dun club profesional. Así mesmo, non eludiu o debate sobre certos aspectos e dilemas típicos no mundo de fútbol.

«O adestrador de porteiros ten que dar unha valoración dos gardamallas pero é o técnico o que debe decidir cal deles xoga»

As conferencias desenvolvéronse o 14 de novembro no Salón de Conferencias no Concello de Burela. A asistencia estivo moi limitada por mor das restricións sanitarias da Covid 19. Non obstante, o evento puido seguirse en directo vía streaming. Ademais as ponencias quedaron gravadas e poderán ser visualizadas na canle de Youtube de Futbolinlugo.

Trátase dun Congreso feito en colaboración co Concello de Burela. Pretendemos manter o espírito do fútbol nunha época complicada. Así como reivindicar o talento dos adestrador@s lucenses e galegos. A nosa idea é a de seguir medrando e poder continuar facendo comunidade a prol do noso fútbol.

Esta aposta, súmase a outros eventos e accións promovidas por Futbolinlugo máis aló da nosa web. A primeira iniciativa foi a publicación da Guía ‘Fútbol en Lugo’ en colaboración con El Progreso. Publicouse en dúas ocasións. Nesta tempada non se realizou xa que o inicio das competicións foi suspendido.  O segundo evento ao grande desta comunidade foi o I All Star Futbolinlugo. Fíxose ao final da temporada 2019/2020. A gran festa do fútbol lucense tampouco puido levarse a cabo neste ano. Pero tentaremos consolidar o proxecto en futuras edicións. A nosa entidade tamén organiza o ‘Ránking Futbolinlugo’, unha competición de pádel en colaboración con Lucus Pádel. Esta cita segue en marcha nestes tempos pandémicos. A segunda edición xa está dando que falar.

A Primeira, en pé de guerra ante o feito de xogar

A pasada semana comunicábase o regreso do fútbol autonómico de xeito oficial. Así como as condicións para a súa volta. Feito que non deixou indiferente aos seus protagonistas, que ven máis luces que sombras. E, sobre todo, moitas dúbidas. Unha das categorías nas que máis división de opinións hai é a Primeira Galicia, que comezaría o próximo 31 de xaneiro. Sempre e cando a situación epidemiolóxica o permita. Dende esta casa, puxémonos en contacto con todos e cada un dos equipos da categoría; para coñecer de xeito individual cal é a súa postura ao respecto.

Alfoz: Non sairán a competir. Sempre e cando esta decisión se ratifique na Asemblea de socios deste sábado.

Chantada Atlético: Queren competir sempre e cando se den as condicións de seguridade e de número mínimo de xogadores e equipos inscritos.

Friol: En principio non sairán a competir.

Burela: Xogarán. O pasado xoves 17 de decembro deron o pistoletazo de saída.

Chantada: Non contan cunha postura clara e non teñen présa por tomar unha decisión definitiva.

Outeiro de Rei: En principio non sairán a competir.

Castro: Xogarán. Levan dende o 17 de setembro adestrando. O luns 28 de decembro iniciarán a pretemporada propiamente dita.

Guntín: Hai dúbidas, pero apuntan a rematar xogando. Comezan a pretemporada o luns 28 de decembro.

Sporting Pontenova: Teñen pendentes varias reunións para tomar unha decisión definitiva.

Riotorto: En principio non sairán a competir.

Taboada: Non queren xogar. Quedan pendentes da evolución da pandemia. E sairán a competir se non queda máis remedio.

Xove Lago: Levan dúas semanas adestrando de xeito voluntario. A pesares de esta circunstancia, non teñen claro se competir ou non. Decidirase nunha Xunta este sábado.

Monterroso: Non queren xogar aínda que a súa postura non é definitiva.

San Lázaro: Teñen a idea de saír a competir. Probablemente inicien os adestramentos na primeira semana de xaneiro.

San Roque: Non teñen aínda unha postura clara. Reuniranse cos xogadores a comezos da seguinte semana para valorar a situación e a decisión final.

Portomarín: Apuntan máis a un non que a un si pero non hai unha decisión definitiva.

Pol: Xogarán. Despois de adestrar tempo atrás durante un breve periodo de tempo, comezan a pretemporada o martes 29 de decembro.

Pastoricense: En principio non sairán a competir.

E.D Lourenzá: En principio non sairán a competir.

Folgueiro: Non teñen aínda unha postura clara. Aínda que tenden máis ao non que ao si.

O Anecdotario: «Bolas de dragón», por Piñeiro

Isto foi calculo que hai uns 20 anos… En Ourense, no campo que hai ao lado do Centro Comercial preto do paseo do río. Era un partido de Preferente e ía cun rapaz de Palas. Chamabámoslle ‘O Palista’. Polo feito de ser de Palas, non por traballar cunha ‘pala’!

Chegamos con tempo ao campo, coma sempre. Aquel día facía un frío importante, néboa… E acompañounos ao vestiario o encargado do campo. Despois dun anaco nel, chegou alí o delegado. Que era o delegado do CD Ourense. Se non me lembro mal daquelas estaba en Segunda B. O señor Gamallo, que xa morreu. El era un tipo particular e moi fino. Destes que cando menos o agardabas abría a porta do vestiario dicindo: «Ai perdón, perdón». Como se estivese controlando…

Piñeiro, en faena, nos seus tempos mozos

Recordo que aquel día chamara á porta. Falaba en castelán.

-«¿Qué tal el viaje? Que frío hace eh…».

-«Si, en Lugo tamén. Aquí xa vemos que vai moito frío!».

-«No os preocupéis, que voy a trear algo ahora mismo para que os calentéis».

Quedamos conversando entre nós e pensando que traería para quentarnos. Se uns cafés, unha estufa… Todo para quitar aquel frío do demo.

De aí a un cacho chamou á porta. Entrou cunha bolsa de algodón nunha man e noutra un bote de alcol. De súpeto, comezou a facer bolas de algodón. Empapounas en alcol e prendeulles lume e tirounas no vestiario.

-«¡No, no! Esto es buenísimo para calentar. Ya veréis dentro de un poco que calorcito vais a tener».

Quedámonos planchados. Café non era! Marchou e entrounos a risa. Nunca viramos tal cousa. Aínda dixo un compañeiro:

-«Son como as bolas máxicas de Son Goku».

Unha anécdota que é unha tontería. O partido ao final saiu ben, que era importante. Naquel campo de terra que agora debe ser de herba artificial.

José Eliseo Piñeiro Arias. Colexiado contrastado. Trinta e un anos en activo. Actualmente Vicepresidente da Peña de Árbitros 9,15