Previa: Unha Primeira por todo o alto

A Primeira Galicia, versión lucense, comezou o xoves coa disputa do Monterroso-Outeiro de Rei. Un aperitivo do que nos agarda esta fin de semana. O da primeira xornada dunha das competicións máis igualadas e imprevisibles da última década. Dende Futbolinlugo, queremos facer unha breve previa na que trataremos de explicar como chegan os diversos equipos da categoría á súa estrea oficial.

*San Ciprián: Varios pesos pesados non seguen. Contan cun cadro de xogadores amplo á vez que xoven. Lekumberri ten traballo por diante para tentar non pasar apuros e selar a permanencia.

*Chantada Atlético: Volven tras un breve paso por Segunda Galicia. A clara meta será manterse na categoría. Para iso, é imprescindible facerse fortes no Sangoñedo.

*Páramo: Agárdase unha campaña máis tranquila nas Rapadas. Con Fontal ao mando e fichaxes de calidade no centro do campo e na dianteira. Será un conxunto moi duro de roer.

*Xove Lago: Un dos grandes tapados. Mantiveron ás súas ‘estrellas’ e reforzáronse en todas as liñas. Coa gran campaña pasada e este aumento de argumentos, as expectativas suben. Iso sí, en Xove presión ningunha.

*Lemos: Proxecto para buscar o ascenso. Movéronse axiña e ben no mercado. Melloraron un equipo que xa era sólido de por sí. Este pode ser o ano do retorno á Preferente.

*Pol: Falta profundidade de banquiño e sobra calidade. Un recén ascendido con nomes que meten medo. O seu rendemento é unha incógnita e dependen de non sufrir moitas lesións e inconvintes. Esta campaña cumplen o seu 40 aniversario.

*Residencia: Nun momento do verán, chegaron a verse na Preferente. Agora a realidade, é a de estar na zona nobre da Primeira. Manteñen o bloque, cunha nova dose de xuventude. As novas xeracións da Cheda veñen pisando forte.

*Chantada: Sufriron un par de baixas notables. O conxunto comandado por Juan tratou de sobrepoñerse a elas. Estarán arriba porén é probable que non lles chegue para pelexar o ascenso. O Sangoñedo resultará chave.

*Outeiro de Rei: Un dos grandes favoritos. Cholas recolle a herdanza de Juan Peón. E faino cun equipo mellor, máis completo, que o que competiu a campaña pasada na Preferente.

*Atlético Escairón: Cambio importante no Saviñao. Moitas caras novas. Aínda así, conseguiron configurar un cadro competitivo, con xogadores importantes en todas as liñas. Deberían moverse polas alturas da táboa.

*Burela: O bloque que impresionou a campaña pasada mantense. Ademais, lograron o retorno de varios xogadores. Especialmente, Miguel Gomes. Non deberían ter problemas para acadar a salvación na súa volta a Primeira.

*Friol: Jon Vázquez estrease no banquiño deste recén ascendido. Contan con futbolistas interesantes e veñen de firmar unha magnífica campaña. Se se adaptan rápido á categoría, non pasarán apuros.

*Pastoricense: Dous emblemas coma Vitín e Farra dixeron adeus. A maioría do equipo do ano pasado segue e o Acebreiro continuará sendo un feudo moi difícil de asaltar. Primeiro, a permanencia. Logo, o que se poida.

*Monterroso: Poucos reforzos, que chegan dende o filial principalmente, para suplir baixas. Algunhas delas importantes. O primeiro será certificar a permanencia con Rielo aos mandos. Logo, xa haberá tempo a soñar.

*Riotorto: O cadro de Labrada ampliou o fondo de armario. Algo que o lastrou en campañas pasadas. Talento en todas as posicións, cunha dianteira espectacular para a categoría. Estarán arriba.

*Santaballés: Fichaxes para apuntalar un equipo de calidade, cunha das mellores defensas da categoría. Con Simón Lamas, asentaranse na zona nobre. Sen renunciar a nada.

*Taboada: A consolidación do proxecto de Martín Murado. Contan con incorporacións que lle darán un plus ao equipo branquiazul. Se consiguen facer da Medela un fortín, darán moitos sustos.

*Sporting Pontenova: Incorporaron bastantes xogadores nos últimos días. Perderon pezas importantes. Unha delas pasa ao banquiño: Andrés Bouza. A salvación parte coma o claro obxectivo.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.