Trío de Ases Terceira (Xornada 12) e Preferente (Xornada 13)

Polvorín e Racing Vilalbés agasalláronnos con dous triunfos importantes na Terceira División, mentras que na Preferente o derbi mariñán caeu do lado do Ribadeo nun vibrante final, empates na casa de Sarriana e Foz, e abultada derrota do Castro no campo do Arzúa.

Segundo triunfo consecutivo dun Polvorín que parece que comeza a tomarlle a medida á categoría. Goleou na Senra ao Ribadumia por dous tantos a cinco e o filial lucense sae dos postos de descenso. Antes do primeiro cuarto de hora, Fran Fandiño adiantou aos locales, pero a resposta lucense non tardou en chegar e Antón acadou o empate logo dun centro de Pablo Rey. Tan só catro minutos máis tarde un golazo desde fóra da área de Morais deulle a volta ao partido. Na segunda metade Antón desde o punto de penalti, Javi Rey e Juan a pase de Javi Liz completaron a goleada, nun encontro de clara superioridade lucense no que os de Durán gozaron dunha gran efectividade.

Primeiro triunfo como local nesta campaña do Racing Vilalbés e tamén o primeiro con Simón Lamas no banco da Madalena. Dous a cero ante o Céltiga, que lles permite aos chairegos abandoar o último posto da clasificación. O Racing mantivo as boas sensacións amosadas a pasada xornada na Cheda e fixo valer as súas armas para lograla victoria: balón parado e contraataque. Ao fío da media hora de xogo un córner desde a esquerda foi peiteado por Vérez para que Diego Rey culminase a xogada anticipándose á defensa. Co resultado a favor, os chairegos tiveron ocasións para aumentar diferencias, xogando a última media hora cun home máis por expulsión de Jacobo Millán.  De tódolos xeitos o gol resistiuse ata a última acción do partido. O tanto da sentencia foi de Juan de Dora. Nos da Illa de Arousa foi titular Jimmy, xogador que as últimas temporadas formou parte do C.D. Lugo xuvenil.

O derbi mariñán entre Viveiro e Ribadeo non decepcionou. Como vén sendo habitual nas últimas campañas, os ribadenses fixéronse cos tres puntos en Cantarrana (2-3) nun encontro intenso que respostou ao que se agarda dun choque de rivalidade: vixiancia, imprecisións no primeiro cuarto de hora e tamén polémica. Co marcado inicial, Rolle marcou cun gran tiro á escadra pero o tanto foi anulado por fóra de xogo, situación moi protestada polos viveirenses. Foi o Ribadeo o que golpeou primeiro tras un saque de falta desde a parte esquerda, que Poratti no segundo pao coloca case en liña de gol, e Mario moi ben colocado adianta aos de Rafa Casanova. O Viveiro reaccionou, e oito minutos máis tarde o canteirán Rolle igualou a contenda facendo xustiza ao visto ata ese momento. A segunda metade comezou cos de Chusky xogando en campo contrario e mantendo o control do encontro. No minuto 49, o ex ribadense Tichu dalle a volta ao marcador e o Viveiro goza dos seus mellores minutos. Co paso dos minutos, malia que a posesión era local o Ribadeo gozou de ocasións para empatalo econtro. Primeiro Santi cun tiro desde fóra da área, Fernando logo dun saque de curruncho e Poratti cun gran testarazo atopáronse cun inspirado Kiko. Os minutos de desconto servíronlle aos visitantes para levarse o derbi. No 91, de novo Mario fai o empate de cabeza e no 93 Aitor culmina unha gran contra de Adrián Barrera.

A Sarriana non foi quen de pasar do empate na Ribela ante o Puebla (1-1). O conxunto adestrado por Alberto López non entrou ben no partido e os do Barbanza contaron con varias ocasións no primeiro tempo que non foron quen de materializar. Na segunda metade, os locales foron quen de poñerse por diante cun tanto de Mauro, pero o Puebla respostou minutos despois e tras un centro lateral que bate no pao, o dianteiro Pap só ten que empurralo balón a gol. Os sarriaos manteñen a segunda posición, dous puntos por diante do Noia.

No Martínez Otero, o Foz empatou sen goles ante o Atlético Coruña Montañeros. Partido xogado de poder a poder entre dous conxuntos que necesitaban o triunfo. Boa imaxe dos focenses que puideron levalos tres puntos se o colexiado non anulara un tanto que parecía completamente legal de Rivera. Con este empate, os de Gayol manteñen dous puntos de marxe sobre os postos de decenso directo.

O Castro saiu goleado do campo do Viso en Arzúa (8-1). O encontro púxoselles moi de cara aos locales adiantándose no minuto catro de partido. Na segunda metade Borja fixo o gol dos de Brais Prados poñendo o marcador 3-1, pero dous minutos despois un penalti para os arzuáns, que supuxo a expulsión de Jorge rematou coas esperanzas dos chairegos. Os de Chus Baleato  nos últimos vinte minutos completaron a goleada.

 

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 501

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.