Trío de Ases Terceira (Xornada 35) e Preferente (Xornada 34)

Dous equipos lucenses descenderán como mínimo á Primeira Galicia. Son os casos do Outeiro de Rei e o Atlético Escairón. Iso sí, as súas dinámicas son ben distintas. Os de Juan Peón sumaron a súa terceira victoria consecutiva ante o Boimorto. Fixeron un encontro moi serio e aproveitaron a inferioridade numérica do rival para dar a estocada final. No entanto, os do Saviñao seguen en crise. Cederon con claridade ante o Arzúa. Encaixaron dous goles antes do descanso e un máis xusto ao comezo da reanudación. Por se fora pouco, Pandiani rematou expulsado.

O resto de equipos da zona baixa gañaron. Ninguén quere perder a categoría. A Residencia desfíxose do Castro cun golazo de Dani Galán de falta no minuto 86. Un partido de poder a poder, con alternativas, e que puido caer de calquera lado. E marcado pola aparatosa lesión de Adrián, que pasou unha noite no hospital cunha profunda brecha na cabeza. A cousa non foi a maiores. Final feliz para os da Cheda, e máis aínda para Carlos Raposo. Que tiña un autobús na porta esperando para él cos seus amigos! Ademais o Viveiro suma e sigue logo de superar pola mínima ao Sofán. Xaime dirixiu as operacións e Rolle e Arturo fixeron os dous goles na primeira metade.

Polas alturas, o Polvorín non foi quen de marcarlle ao Ordes. Os visitantes, en inferioridade numérica durante case todo o encontro, fixeron un encomiable exercicio defensivo. Poucas veces se viu defender desa maneira a un equipo. Os de José Durán pegaron cun muro e o As Pontes xa está a só dous puntos. A anécdota do choque foi a expulsión de José Durán. Botou un coiro con rabia contra o chan. A mala sorte fixo que rebotase no asistente e o técnico lugués rematou cun cartón vermello. Ademais, o Ribadeo sufriu para remontar ante o Dumbría. Os coruñeses adiantáronse ao borde do descanso. Na segunda metade, Rafa Casanova deixou aos seus con dez homes por unha suposta agresión a un rival. Aínda así, os de Fiz Rodríguez tiraron de casta. O talento de Friol, Santi Vázquez, marcou no 90 para gañar. Por último, o Racing Villalbés sacou un valioso punto do feudo do Choco de Alberto Suárez. Abriu a lata, sufriu a remontada rival e arañou un empate cun novo tanto de Sergio Arias, que continúa en estado de graza. Minuto 90 e final da nosa crónica semanal.

O próximo envite comeza mañá. Coa disputa dos encontros aplazados da Preferente: Ordes-Castro e Dubra-Ribadeo. Así coma unha nova xornada ligueira para o Racing Villalbés. O Silva visita a Magdalena.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 861

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.