Os resultados que implican ascensos no último domingo de abril

Resultados última xornada Segunda Galicia (equipos que tiñan opcións de ascender)

Burela 4-0 Ourol

Pol 4-0 Iberia

Folgueiro 6-0 Meira

Chantada Atlético 3-0

San Lázaro 6-0 Oural

A derradeira xornada do mes de abril resolveu parte das incógnitas nas competicións regulares na Primeira, Segunda e Terceira Rexional. A falta de tres xornadas para que remate a Primeira, os ascensos xa quedaron sentenciados coas vitorias de Sarriana e Foz e os dous equipos son xa de Preferente. Máis información sobre toda a xornada o martes na nosa web cos nosos destacados da categoría.

 

Na Segunda Galicia, Burela, Pol e Chantada Atlético acompañan o Friol no ascenso á Primeira. Ningún dos candidatos fallou no último enfrontamento da fase regular, polo que non houbo cambios na parte alta da clasificación. Máis información o mércores na nosa páxina web cos nosos onces da xornada.

Final ascenso á Segunda: Ida: Muimenta 1-1 Guntín

O novo formato da Terceira Galicia deixou para o último tramo da competición unha final a dobre partido co premio de subir de categoría. Muimenta e Guntín procuran seguir os pasos do Corgo, Incio, Goiriz, Comercial e Cervo que xa teñen o seu ascenso no peto. Polo momento todo é unha incógnita despois dun primeiro partido con goles, unha expulsión e unha chilena que petou no longueiro.

Adiantouse o conxunto local no primeiro cuarto de hora de encontro por medio de Miguel Morán. O balón colgado dende a esquerda rematouno Miguel só de cabeza á esquerda da portería visitante. Era a primeira gran ocasión duns corenta e cinco minutos igualados e sen grandes oportunidades.

Na segunda metade comezou apretando o Guntín. Unha das accións máis salientables do encontro chegaba o comezo do segundo acto no que o recén entrado Saad Mohamed rematou de chilena dentro da área e o seu lanzamento petou no longueiro. A resposta chegou rápida por parte do cadro chairego cun zurdazo de Edu que o porteiro visitante enviou a saque de recanto cunha gran intervención. Máis tarde o xogo estivo detido pola lesión de Matías, que tivo que retirarse do verde. Na reanudación, o equipo visitante empatou o encontro despois de que Saad patease un córner e ninguén conseguise despexalo balón dentro da área.

O encontro volveu cambiar minutos máis tarde coa expulsión do meta Pablo Castro que deixou ao Guntín cun menos nos últimos vinte minutos. Aínda así, o cadro visitante aguantou a insistencia rival e xerou perigo nalgunha xogada a balón parado para marcharse cunha lixeira vantaxe no partido de volta. A final queda moi aberta e resolverase a vindeira fin de semana.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 548

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.