O anecdotario: «A remonta do licor café», por Aitor

Cando tes dezaoito anos, as viaxes e os quecementos prepáranse de forma diferente...

Isto sucedeu no meu primeiro ou segundo ano no Escairón! Tocábanos ir xogar a Muimenta se mal non me lembro. Hai que dicir que con dezaoito anos gústache o fútbol pero aínda che gusta máis a festa.

Luca´s Grill
Moreno´s Pizza

Estabamos esperando o bus para saír e xuntámonos os máis novos para contar as historias de como fora a noite do sábado. A maioría cunha resaca curiosa. O caso é que aínda tiñamos máis gañas de festa ca resaca.

Deportes Élide

Daquelas a directiva que tiñamos, levaba para os desprazamentos uns bocadillos para darlle os xogadores ó rematar os partidos. E ademais, como nos adoitaba acompañar un grupo de afeccionados no bus; tamén lles levaban para eles unhas galletas e unhas botellas de licor café!

O caso é que vimos aquelas botellas alí colocadas no maleteiro do bus e ocorreusenos a xenial idea de subilas para arriba sen que as vise o míster e a directiva! Todo isto feito polo grupo de catro xogadores máis novos.

Fomos para a parte de atrás do bus e comezamos a viaxe. Ao pouco, un de nós dixo: «Imos facer un xogo… cada vaca que vexamos, bebemos un chupito de licor café». Imaxinádevos unha viaxe Escairón-Muimenta… a cantidade de vacas que poidemos ver en fincas preto da estrada.

Un once do Atlético Escairón esta temporada

O caso é que se nos foi das mans, e á altura de Lugo xa non quedaba nin gota de licor café. Claro, o problema veu despois. Chegamos a Muimenta e os catro fomos titulares! Quentando xa a cousa ía mal. Pero empezamos o partido e aos dez minutos un xa tivo que pedir o cambio que se atopaba mal. O resto aguantamos pero non dábamos un pase a dereitas e chegamos ao descanso 2-0 perdendo.

O míster botándonos a bronca pero non sabía o que pasaba. Ao saír para o segundo tempo mollamos a cabeza en auga fría na ducha e pouco a pouco fómonos atopando mellor e conseguimos remontar o partido. Xa non recordo ben si 2-3 ou 2-4!

Fómonos para o vestiario e non críamos aínda da que acabaramos de librar sen que se enterara nin o míster, nin a directiva, nin a maioría de compañeiros. Pero a ‘cagada’ veu cando viron que non estaban as botellas no maleteiro para darlle aos afecionados que viñeron ese día. Subiron ao bus e alí as atoparon nos asentos de atrás sen unha sola gota. Aí foi cando xa lles empezaron a cadrar todas as historias que no céspede pasaran.

Aitor Rodríguez Fernández. Xogador do Atlético Escairón, amante do licor café.

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.