O partido da xornada . . . Becerreá – Ferreira: dous campións de grupo buscan o trono na segunda fase

A fase de ascenso de Segunda Autonómica tráenos un prato forte nesta terceira xornada. Dous campións de grupo na fase inicial do campionato fronte a fronte. Becerreá e Ferreira mídense o sábado ás 16 horas no Municipal con tres importantes puntos en xogo para facerse co primeiro posto. Arbitrará o colexiado focenso Ron Valle.

Luca´s Grill
Moreno´s Pizza

O Becerreá comezou esta segunda fase de xeito inmellorable. Seis puntos acadados en dous encontros no que goleou ao Río Sil e superou ao Oural no sempre difícil Luis Pallín. Os de Antón Méndez continuan así a boa labor realizada na primeira fase, na que dominaron o seu subgrupo con suficiencia, superando ao final en oito puntos ao Paradela. Nesta xornada reciben ao Ferreira, segundo clasificado ao que avantaxan en tres puntos.

Deportes Élide

Non comezou ben a pelexa polo ascenso o Ferreira. Cunha derrota na primeira xornada no Castro Seoane diante do Antas, que arranxou vencendo no Baliño diante do Paradela, nun encontro no que sobresaíron os catro goles de Samba. O dianteiro será unha das innumerables baixas coas que conta o conxunto dirixido por José Antonio Vázquez ‘Yessi‘, moi castigado polas lesións. Malia todo os de Pantón afrontan o encontro coa intención de sumar no Municipal e seguir na pelexa polo ascenso.

O último enfrontamento entre Becerreá e Ferreira no Municipal tivo lugar o 13 de outubro de 2019 e rematou con goleada visitante por un tanto a cinco. Xairo anotou para o cadro local, mentres Rafa cun hat-trick e Julio cun doblete foron os autores dos goles do Ferreira.

que opinan os protagonistas?

ANTÓN MÉNDEZ (BECERREÁ)

Bo momento do equipo. «Chegamos con confianza e nunha boa dinámica. Despois da gran primeira fase, nesta comezamos ben, con dous triunfos o que reforzou a moral do grupo para seguir por este camiño».

O partido. «Imaxino que será un partido igualado, no que buscaremos manter o xogo que vimos desenrolando nos partidos que xogamos na casa, cun ritmo alto con e sen balón, e ogallá podamos manter o acerto cara a porta rival. Agardo un rival duro, que por algo foi campion do seu subgrupo. Afrontámolo coas máximas ganas e ilusión».

O curto prazo. «Non queremos pensar moito máis alá do partido a partido. Quedan por diante seis encontros, e aínda que comezamos ben, o camiño de cara a un hipotético ascenso é longo. Temos un equipo moi xoven, cunha media de idade de 21,5 anos, polo que ao comezo as expectativas non eran tan altas, pero chegados a este punto iremos a por todas como é lóxico».

JOSÉ A. VÁZQUEZ ‘YESSI

Dificultades en forma de baixas. «Chegamos a este partido moi xustos de efectivos por mor das lesións, que non están afectando moito esta temporada, e tamén das sancións de Samba e Carlos. De tódolos xeitos intentaremos facer o noso partido e traer un resultado positivo para Ferreira».

O Becerreá. «Teño unhas referencias moi boas do rival. Creo que é o equipo que chega nunha mellor forma a esta fase de ascenso, polo que agardo un partido moi complicado no que competiremos coas nosas armas para sacar un bo resultado».

A dificultade do ascenso. «Polo momento non me plantexei a posibilidade de ascender. Aínda queda competición por diante e a dificultade é máxima, xa que, só hai unha praza para xogar en Primeira o próximo ano. Imos pelexar por acadar o ascenso, eso sen dúbida».

a axenda

PRIMEIRA NACIONAL FEMININA

  • Peluquería Mixta Friol – Sárdoma (Sábado ás 16:30 horas na Reigosa): primeiro contra segundo. Un triunfo das rapazas de Covi consolidaría ao Friol no máis alto da táboa.

PRIMEIRA GALEGA FEMININA

  • Peluquería Mixta Friol B – Tomiño (Domingo ás 17:15 horas na Reigosa): logo da pasada xornada, o filial precisa un triunfo para non achegarse á zona de perigo. Enfronte un Tomiño que conta con dous puntos máis que o conxunto local.
  • E.F.M. Concello de Boiro – Antas (Domingo ás 17:30 horas en Vista Alegre): as da Ulloa afrontan unha xornada vital nas súas aspiracións de permanencia, xa que visitan ao pechacancelas cos que as separa un só punto.

TERCEIRA DIVISIÓN

  • Viveiro – Rápido de Bouzas (Sábado ás 18 horas en Cantarrana): na procura da décima xornada sen perder, os de David Páez reciben a un Rápido en postos de play off de ascenso. Un triunfo dos mariñáns deixaría a permanencia encarrilada.
  • Polvorín – Estradense (Domingo ás 12 horas no Municipal de Pol): o filial albivermello buscará tres puntos que o manteñan no máis alto de Terceira. Enfronte un Estradense cos deberes feitos que tentará achegarse á zona de privilexio.

PREFERENTE – FASE DE ASCENSO

  • Sarriana – Fisterra (Sábado ás 17:30 horas na Ribela): os de Edu Rodríguez buscarán sumar tres puntos no seu feudo para manter o liderado diante dun Fisterra con pouco marxe de erro.
  • Lemos – Paiosaco (Domigo ás 18 horas na Pinguela): o cadro monfortino demostrou na súa visita ao Arteixo que pode competir diante de calquer rival nesta fase de ascenso. Visita a Pinguela o Paiosaco, que está a un punto da primeira praza.

PREFERENTE – FASE DE PERMANENCIA

  • Santaballés – Escairón (Domingo ás 18 horas na Liga): os chairegos debutan nesta definitiva fase diante dun Escairón que caeu na primeira xornada diante do Boiro, polo que outra derrota deixaría aos de Jorge Rodríguez moi tocados.
  • Residencia – Ribadeo (Domingo ás 19 horas na Cheda): logo do triunfo na xornada inicial, os de mariñáns buscarán dar outro paso cara a permanencia no derbi provincial diante dun Residencia difícil de dobregar na Cheda. Os de Dani Galán afrontan o seu primeiro encontro logo de descansar na primeira xornada.

PRIMEIRA AUTONÓMICA – FASE DE ASCENSO

  • Portomarín – Pol (Domingo ás 17:30 horas no Chao da Poza): dous dos candidatos ao ascenso fronte a fronte. O cadro local empatou os dous encontros que xogou nesta fase e cedeulle ao Castro o primeiro posto. O Pol resarciuse da xornada inagural e tentará achegarse ao liderado.

SEGUNDA AUTONÓMICA – FASE DE ASCENSO

  • Meira – Candelaria (Domingo ás 17 horas na Lomba): tres partidos e tres resultados diferentes para un Meira que non está a ser regular nesta fase. Malia todo ten o liderado a tiro de pedra. Recibirá no seu feudo a un Candelaria que está a amosar un gran nivel e que conta cun só punto menos que o seu rival.

SEGUNDA AUTONÓMICA – FASE DE PERMANENCIA

  • Quiroga – Brollón (Domingo ás 17 horas no Baliño): en Ferreira de Pantón xogará como local un Quiroga ao que só lle vale o triunfo se quere abandoar o último posto do grupo. Un triunfo dos visitantes suporíalles un paso de xigante de cara á permanencia.

TERCEIRA AUTONÓMICA

  • Comercial – Catro Roldas (Domingo ás 16 horas no Rodríguez Lago 1): con moita vantaxe sobre o terceiro clasificado, Comercial e Catro Roldas xóganse o liderado. Os lucenses cun punto máis que os chairegos poden distanciar en catro puntos ao seu gran rival, pero un triunfo dos de Román trocaría a decoración do grupo.

Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 499

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.