O Lugo alzouse coa XXXVIII Copa Deputación despois de voltear un 0-2 en contra ante o Antas. As de Dani Abelairas e Noe Pires fixeron unha gran posta en escena. Abriron a lata nada máis comenzar cun gol da propia Noe Pires. E aumentaron as diferenzas antes dos vinte minutos de xogo cun tanto doutra xogadora All Star, Nuria Louzao.

O cadro de Joaquín Blanco pasou serios apuros ante o xogo aéreo das do Castro Seoane durante os noventa minutos. Por sorte, antes do descanso meteuse de cheo no encontro cun gol de Paula, tamén seleccionada para o noso All Star 2022. O Lugo dispuxo dalgunha ocasión máis para empatar, pero ao tempo de lecer o resultado era o do 1-2 desgranado.

Tralo paso pola zona de vestiarios, o fútbol combinativo albivermello carburou mellor. Entrou Lucía e aportou o aire fresco que as albivermellas precisaban. A propia Lucía empatou. Despois, chegou a culminación da remonta. Paula selou o seu dobrete a menos de dez minutos para o remate e deulle a Copa á entidade presidida por Tino Saqués. Se ben é certo, que o Antas apretou o que puido para evitar este desenlace. De feito, as de Abelairas e Pires desperdiciaron unha magnífica oportunidade na prolongación. Marta mandou o balón alto, nun remate sen oposición desde dentro da área.

Resultados da xornada

CD Lugo 3-2 Antas