Racing Vilalbés e Sarriana comezan a temporada mandando

trio de ases

Volveu a temporada na Terceira RFEF e na Preferente no seu formato habitual. Na Terceira o Racing Vilalbés comezou con triunfo na Madalena diante do Estradense, mentres que o Viveiro, aínda en proceso de construcción, perdeu de xeito abultado no campo do Choco. Na Preferente a Sarriana goleou ao Unión, o Lemos empatou en Fisterra, o Ribadeo igualou na casa co As Pontes e a Residencia fixo o propio co Noia. O debutante Portomarín pagou a novatada e caeu fronte ao Dubra.

Luca´s Grill
Moreno´s Pizza

Triunfo do Racing Vilalbés diante do Estradense cun estratosférico gol de Javi Rey (2-0).

Comezou o encontro de cara para os chairegos cun tanto de Santi Gegunde no primeiro minuto xogo. Pablo Rey botou unha falta e o dianteiro cabeceou ao fondo da portería. Sen embargo, malia a ir co marcador a favor, os de Simón Lamas non estiveron cómodos durante a primeira metade. O Estradense estivo mellor e incluso tiveron algunha ocasión para poder igualar o encontro, pero o cadro dirixido polo focense Nacho non estivo atinado cara a portería defendida por Álex Santomé, que realizou algunha parada de mérito.

Deportes Élide

Logo do paso por vestiarios, o Racing foi mellor, sobre todo en defensa, aínda que as imprecisións en ataque priváronlle de gozar de ocasións claras de gol. A falta de dez minutos para o final surxiu a xenialidade de Javi Rey, que cunha xogada ‘box to box’ desfacéndose dos rivais que lle saíron ao paso, definiu diante do porteiro e sentenciou o choque.

Un Viveiro en inferioridade caeu goleado diante do Choco (5-1).

Non foi o mellor resultado para un Viveiro que precisa gañar en confianza, pero o certo é que o abultado do marcador non se correspondeu co visto sobre o céspede de Santa Mariña. Na primeira metade os de Alberto López foron superiores ao Choco e marcharon ao descanso por diante no marcador grazas ao gol de Rolle. Os mariñáns buscaron o ataque por banda e foron quen de xerar perigo ante a portería de Cortegoso.

Na segunda metade, o conxunto local saiu mellor e non tardou en empatar cun tanto de Félix. Tan só tres minutos máis tarde, Barroso viu a segunda tarxeta amarela e en superioridade o Choco castigou cada erro dos celestes. Varias perdas de balón en medio campo remataron en gol. Fran Monroy e Comis puxeron en clara vantaxe ao Choco, e xa preto do final Juanma Justo e Óscar sentenciaron.

A Sarriana amosou a súa gran pegada no feudo do debutante Unión (0-4).

Os de Edu Rodríguez comezan a temporada mandando un claro recado aos seus rivais. Triunfo fóra da casa con goleada para os sarriaos, que malia todo non foron quen de abrir a lata ata a segunda metade. A Sarriana comezou moi ben, cómodos sobre o campo, con boa circulación de balón e gozou de dúas ocasións claras de gol. En dous erros defensivos, o Unión a piques estivo de adiantarse no marcador. Saviola nun man a man co porteiro enviou o balón fóra por escasos centímetros e pouco despois Javi Liz resultou decisivo.

Na segunda metade, a Sarriana volveu ao nivel dos primeiros minutos. Pedro López viu como lle anulaban un gol por fóra de xogo, pero poucos minutos despois, o central volveu a ver porta porta logo dunha boa acción de Santín. O segundo tanto foi obra de Herrero logo dunha boa xogada combinativa. A falta de dez minutos, un golpeo desde a frontal de Jacobo colouse na portería local. Moi preto do final, Brais convirte unha pena máxima cometida sobre él mesmo.

O Lemos foi superior ao Fisterra en Ara Solis, pero tivo que conformarse co empate (2-2).

Bo encontro do Lemos no sempre difícil campo fisterrán. A boa presión monfortina deu os seus froitos con varios roubos en campo contrario. Nun deles Marco conseguiu o tanto que poñía por diante aos de Josito Jul. Co paso dos minutos, o Fisterra fíxose co dominio do encontro e antes do descanso foi quen de darlle a volta ao encontro con dous tantos a balón parado. O primeiro obra de Breixo ao aproveitar un rexeite dunha falta e o segundo logo do remate de Jano ao saque dunha falta lateral.

Na segunda metade o Lemos voltou a levar a iniciativa e tivo claras ocasións para lograr o empate, ademáis dun tanto anulado por un dubidoso fóra de xogo. A igualada foi obra de Dafonte.

O Ribadeo empatou fronte ao As Pontes no Pepe Barrera nun encontro vibrante (1-1).

O conxunto mariñán non puido estrear esta ilusionante temporada cun triunfo, nun encontro xogado de poder a poder fronte ao As Pontes. A primeira metade resultou igualada e con poucas ocasións. Os visitantes gozaron dunha aos poucos minutos do comezo, nunha internada de Rogerio que Dos Santos enviou a córner. Os de Dani Moirón, lastrados na punta de ataque polas ausencias de Criss e Álex Meitín, só inquedaron a portería rival con dous lanzamentos lonxanos, un de Xaime de falta e outro de Asier, que obrigaron a a Henrique a intervir. O colexiado non sinalou un claro penalti por man dun defensor visitante dentro da área. Co tempo cumprido, un centro lateral de Sergio Criado aproveitou a indecisión de zaga e gardameta para colarse dentro da portería.

Na segunda metade, Dani Moirón colocou en punta a Diego Hermida e o focense a piques estivo de marcar cun testarazo que saiu lambendo o pao. Santi tamén viu de preto o empate cun lanzamento que rematou na parte exterior da rede. Os de Rafa Casanova saían a contra con certo perigo e nun saque desde o curruncho o ex ribadense Traba a piques estivo de poñer terra de por medio. Pero a falta de vinte minutos para o final, Asier, o mellor do Ribadeo, igualou cunha volea que se envenenou e ante a que nada puido facer o gardameta. Nos últimos intres, ámbolos dous conxuntos tiveron ocasións para lograr a vitoria, pero o marcador permaneceu inamovible.

As numerosas baixas condicionaron á Residencia, que logrou un punto fronte ao Noia (1-1).

Con só doce xogadores do primeiro equipo afrontou o encontro a Residencia fronte ao Noia, un dos conxuntos chamados a estar na zona alta da clasificación. A primeira metade resultou igualada e sen practicamente ocasións de gol. A máis clara para os de Dani Galán tívoa Iago cun remate que saiu lixeiramente desviado. Diego tivo que empregarse para desbaratar un disparo de Pablo Carro.

Na segunda metade a intensa calor pasou factura e o Noia levou a iniciativa sen xear excesivo perigo.

O Portomarín pagou a peaxe do debutante fronte ao Dubra (0-4).

Cinco minutos servíronlle ao Portomarín para ver como era a nova categoría. Dous erros defensivos remataron con dous tantos de Martín que deixaban o encontro moi encarrilado para o Dubra. O xogo resultou máis igualado do que demostrou o marcador, pero os de Fernandito víronse moi penalizados en cada erro cometido. Antes da media hora de encontro, Darío fixo o terceiro.

Na segunda metade o encontro baixou de intensidade, aínda que Martín pouco tardou en establecer o terceiro na súa conta particular e o cuarto no cómputo global. A claridade de ideas do Dubra, unido á calidade no balón parado dun ilustre como Álvaro Varela resultaron decisivas para o marcador final.

Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 513

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.