Palabra de… Raposo: «O peso específico dos valores e do vestiario»

A importancia dos valores e dun vestiario para un neno

Ola, un saúdo a todos os futboleiros/as. En primeiro lugar agradecervos o feito de contar conmigo para poder participar neste artigo sobre o fútbol.

Vou iniciar cunha reflexión sobre o noso fútbol base, o cal ten, dende o meu punto de vista, un papel moi importante no porvir do fútbol lucense. Debemos ter en conta que é bo que calquera rapaz ou rapaza de corta idade se inice na practica de calquera deporte para así realizar unha actividade física e levar unha vida sá. Aprender uns valores e seguidamente levalos a cabo ao longo da súa carreira deportiva, a cal sexa a maior ou menor escala, e continuar mostrando eses valores durante o longo da vida xa como adultos.

Eses valores aos que fago alusión son, dende o meu pensar, o respecto e o compromiso. Nestes conceptos teñen gran importancia as familias dos deportistas na súa educación e no saber reflectir eses valores. Pero tamén os adestradores que, ademais de ser técnicos a nivel deportivo, son educadores (sobre todo en categorías base), continuando así a labor que fan esas familias tanto na casa como nos campos de fútbol. Dando o seu apoio aos seus fillos pero sempre dende o respecto, tanto a colexiados, compañeiros de vestiario como a adversarios, xa que a fin de contas, somos todos DEPORTISTAS.

 

A nivel persoal, logo de estar disfrutando 26 anos deste marabilloso deporte que é o FUTBOL, continuo coa mesma ilusión e gañas como cando era cativo. Esto débese a que deses 26 anos, 23 estiven vinculado no mesmo club, a SDC RESIDENCIA, onde sempre me sentín moi a gusto. Neste aspecto tivo moito que ver os compañeiros cos cales compartín vestiario durante estes anos xa que, a parte de xogar o fútbol, somos unha gran familia e compartimos grandes vivencias tanto no terreo de xogo como fóra del. O futbol é un deporte no cal sociabilizas moito e te levas grandes amigos, de aí a importancia que ten a práctica dun deporte colectivo.

E para rematar, a nivel deportivo, este ano a ver se podemos acadar o obxectivo da salvación. Competir para quedar o máis arriba posible na táboa e que a RESI poida continuar un ano máis na Rexional Preferente, categoría bonita pero moi competida.

Un saúdo a todos.

Carlos Raposo. Capitán da Residencia, todoterreo do verde.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.