A Axenda do fin de semana (26 e 27 de outubro)

Fin de semana de emocións intensas. Rivais históricos, derbis case esquecidos, e encontros co liderato en xogo en case tódalas categorías. Ademáis, o Partido da Xornada. Botádelle un ollo á nosa Axenda.

Terceira División

– Polvorín – Deportivo Fabril (Domingo ás 13 horas na Cheda): Os de José Durán mídese a un dos grandes favoritos ao ascenso nun duelo de filiais. Encontro difícil, pero no que sumar antóllase vital para non ver de lonxe a permanencia.

– Racing Vilalbés – C.D. Arenteiro (Domingo ás 16:15 horas na Madalena): o rei do empate chega á capital da Terra Chá. O conxunto do Carballiño suma seis igualadas no que vai de campionato, e cun punto máis que os de Simón Lamas será un equipo difícil de superar. A boa imaxe amosada no Couto, o espello no que mirarse o Racing.

Preferente Norte

– Club Lemos – Boimorto C.F. (Domingo ás 16:30 horas na Pinguela): logo de dúas vitorias consecutivas, os monfortinos buscarán tres puntos máis que os acheguen á zona media da clasificación. Enfronte, os de Susú Cores que logo da última derrota non quere desengancharse dos postos cabeceiros.

– C.D. Foz – Galicia Mugardos (Domingo ás 16:30 horas no Martínez Otero): as dúas últimas derrotas situaron aos de Gayol nunha zona complicada. Precisan trocar de dinámica. Reciben a un dos equipos revelación da categoría.

– S.D. Residencia – S.D. Fisterra (Domingo ás 16:45 horas na Cheda): os de Álvaro Meilán reciben a un Fisterra que, ao igual que o Mugardos, son as grandes sorpresas da Preferente. Os lucenses tentarán sumar logo de quedarse ás portas en Cantarrana.

Primeira Autonómica

 – S.D. Outeiro de Rei – S.D. Chantada (Domingo ás 16:30 horas no Municipal de Outeiro): o conxunto local tentará manter a súa condición de invicto para ter opcións de rematar a xornada no liderato. Enfronte, un Chantada que precisa os tres puntos para non descolgarse do pelotón cabeceiro.

– Friol C.F. – Chantada Atlético (Domingo ás 12 horas na Reigosa): dous conxuntos en apuros. Con tan só un triunfo no haber de ámbolos equipos, os tres puntos antóllanse vitais para non verse relegado na pelexa pola salvación.

Segunda Autonómica

 – A.C.D. Xermade – S.D. Gutiriz (Domingo ás 16:30 horas no Muncipal de Xermade): dous dos galos do grupo norte de Segunda. O cadro local, logo da derrota en Alfoz, precisa dun triunfo no seu campo para voltar aos postos de cabeza. Reciben a un Gutiriz, segundo clasificado, que só cedeu un punto como visitante no campo do Abadín.

– S.D. O Páramo – S.D. Paradela (Sábado ás 16:30 horas nas Rapadas): o ‘Derbi do Loio’. Os de Brais Vázquez buscarán tres puntos para manter o liderato. Reciben a un Paradela, que malia ser un recén ascendido, é o único conxunto invicto do grupo sur de Segunda.


Terceira Autonómica

 – Friol C.F. B – Fonsagrada Balompé (Sábado ás 16:30 horas na Reigosa): primeiro e segundo fronte a fronte. O conxunto local, logo de caer derrotado diante da Comercial, tentará voltar á senda do triunfo ante o invicto Fonsagrada, que chega tras derrotar a outro dos favoritos, a SD Viveiro.

– Sporting Lucense – S.D. Antas (Sábado ás 18 horas no Rodríguez Lago 1): despois de perder en Centeás, os de Lolo buscarán darlle continuidade á súa boa xeira como local. O conxunto de Melendo sufriu un serio correctivo diante do Castroverde, aínda que segue líder.

Primeira División Galega Feminina

 – Peluquería Mixta Friol B – Sárdoma C.F. B (Domingo ás 18 horas na Reigosa): complexo encontro para as rapazas de Covi. Reciben as colíderes, invictas e con seis triunfos acadados de xeito consecutivo. As lucenses suman catro dos últimos seis puntos en xogo.

 – S.D. Antas – S.D. Villestro (Domingo ás 17 horas no Castro Seoane): ámbolos conxuntos están empatados a puntos na zona media da clasificación. As da Ulloa levan dúas derrotas consecutivas, mentres que as compostelás contan por triunfos os seus últimos encontros.

Segunda División Galega Feminina

 – C.D. Lugo – Sporting Cambre (Domingo ás 17 horas no Luis Gorgoso): partidazo entre colíderes. Ámbolos conxuntos contan por vitorias os seus cinco encontros, aínda que as lucenses contan con maior diferencia de goles. Un triunfo, a maiores dos tres puntos, sería importante a nivel anímico.

– Carballedo C.F. – Victoria C.F. C (Domingo ás 16 horas no Catro Ventos): encontro importante para as rapazas do Carballedo. Un triunfo situaríaas na zona media da táboa e superarían ao seu rival desta xornada.

– S.G. Comercial – Xuventude de Crendes (Domingo ás 12 horas no Rodríguez Lago 2): as lucenses mantéñense invictas, e un triunfo situaríaas líderes virtuais da categoría á espera do encontro do C.D. Lugo.

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 511

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.