Palabra de… Fernandito: «A enriquecedora dobre dimensión»

O fútbol coma aprendizaxe e como forma de vida

Antes de nada, grazas Futbolinlugo por cederme este espazo para contar a miña experiencia en torno ó deporte rei. Dende ben cativo, o fútbol permitiume experimentar un amplo abanico de sensacións e emocións que foron modelando a miña personalidade e marcando cada etapa da miña vida. Non son capaz de verme sen aqueles partidos no patio onde a pelota mandaba ou sen pisar o céspede cada fin de semana. Unha relación que, nos últimos tempos, tomou unha nova perspectiva intercalando as miñas facetas como xogador na S.D. Sarriana e adestrador do C.F. Portomarín.

A miña curiosidade por adestrar xurdiu traballando cos meus propios adestradores. Foron eles os que me ofreceron unha visión de fútbol na que é imprescindible analizar tódalas súas variables. Gozo planificando e preparando aliñacións de acordo cos diferentes sistemas de xogo sobre o papel e intento incluír os meus gustos como xogador en cada adestramento, polo que as miñas sesións sempre teñen un balón como protagonista. Intento crear un grupo de traballo comprometido e unido no que todos compartamos o mesmo obxectivo, para o cal a xestión de grupo é clave.

Sempre fun moi competitivo, é algo inherente a miña personalidade e o feito de competir supón de forma implícita a posibilidade de gañar e de perder. É precisamente aquí, na derrota, onde intento determe xa que teño que tratar cada fin de semana con dous resultados que van condicionar o progreso da mesma.

A nivel aprendizaxe, esta dobre dimensión do fútbol é unha experiencia moi enriquecedora. Tamén é certo, que nesta etapa de maior esixencia cómpre un novo compoñente, o equilibrio. Para min sería impensable combinar as dúas dimensións futbolísticas co meu traballo, se iso implicase renunciar á familia e amigos. Son eles os que me animan a aproveitar cada oportunidade e os que me dan perspectiva para enfrontar o maior desafío, entender os erros como oportunidades de aprendizaxe.

Fernando Sánchez García. Activista do noso fútbol, xogador da Sarriana e adestrador do Portomarín.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 861

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.