Palabra de… Carra: «Recuperemos o deporte, descompitamos»

Estase perdendo a esencia do fútbol na base. Cómpre un cambio

Levo toda a miña vida adicada ao fútbol, primeiro como xogador e agora como adestrador. Coñezo ben todo o que rodea a este deporte, dende categoría biberón ata sénior e, agora que son pai, resístome a que o meu fillo sexa partícipe da competitividade no fútbol de formación. 

É certo que non se pode xeralizar, pero tampouco podemos ocultar a excesiva competitividade que temos no noso fútbol de canteira. Unha problemática que vimos arrastrando nos últimos anos.

Asústame primeiro como pai e logo como afeccionado, como adestradores e clubs son quen de competir dende as categorías máis pequenas. Importándolles só os resultados, sen mirar máis alá do sentir e das inquietudes que poida ter o nen@.

Estamos ante unha sociedade que solo premia aos vencedores e sinala os ‘derrotados’. Non importa como foi o proceso nin o que se puidera levar por diante, só importa a vitoria, o éxito.

Ese proceso é unha vida, que debería levar unha traxectoria de aprendizaxe, para en primeiro lugar formar persoas e dentro de esas persoas, deportistas. 

Non sexamos adestradores senón formadores. Temos a enorme responsabilidade de ensinarlle aos máis pequenos todos os valores positivos da vida. Inculquemos o respeto, o esforzo, o compañeirismo, a diversión, e deixémonos de mirar os resultados. Olvidémonos das clasificacións e centrémonos no realmente importante, os nenos. Temos que darlles o pracer de gozar xogando sen ningún tipo de rivalidade. Educalos para a vida mediante a práctica do deporte, miremos polo futuro dos protagonistas. 

Tampouco me poido esquecer das familias, moitas delas axudan a alimentar ese espírito de competición e dan equivocadas consignas individualizadas aos seus fillos desde as bancadas en días de partido. Pensando que son auténticos astros do balón. Dediquemos a nosa presenza en animar a todo o equipo, sexamos útiles para o grupo e para o noso fillo.

Por todo isto cómpre cambiar de rumbo, e todos (clubs, adestradores, familiares) temos a obriga moral de facelo, polo ben dos nosos nen@s e polo ben do noso fútbol.

Recuperemos o DEPORTE para o fútbol de formación.

Aquí vos deixo a miña opinión, o debate está servido.

Diego Fernández Martínez ‘Carra’. Adestrador do C.D San Ciprián

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 875

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.