Palabra de… Cachón: «Ese recuncho chamado Chao da Poza»

O valor do pobo, dos amigos, dunha camiseta e dun lugar especial

Antes de nada gustaríame agradecer todo o traballo que realizades os que formades esta páxina de fútbol modesto, así como por darme a oportunidade de compartir unhas palabras nela. Nestes días tan complicados para todos, un ten tempo para pensar en moitas cousas, como no fútbol. E lembrar todos os recordos que me deixa este querido deporte ó longo destas 18 tempadas, rematando sempre nese recuncho do meu pobo: o ‘Chao da Poza’.

Todos os bos, e non tan bos recordos que teño no fútbol me levan a ese lugar. Dende ben pequeno comecei a xogar no colexio, nese patio no que se xogaban 15 partidos ó mesmo tempo e que duraban os 30 minutos de reloxo que o recreo nos permitía. Pero o verdadeiro placer era cando chegaba o venres e con el, a hora de ir a adestrar.

Tiven a sorte de poder xogar nas únicas categorias inferiores que houbo na historia do Portomarín. Por iso dende aquí agradecer a ‘Chucha’ e a Eliseo, (presidentes do clube por aquel entonces) que fixeran aquel gran esforzo para que os nenos da vila poideran desfrutar do fútbol sen necesidade de grandes desprazamentos. Recordo aquela etapa como a máis doce de todos os anos que levo no fútbol. Realmente os resultados non eran os mellores, pero simplemente o feito de xogar cos teus amigos, no equipo do teu pobo, adestrar, partidos, viaxes en autobús…

Realmente podo dicir que o fútbol me deu moitas máis alegrías que decepcións. Tiven a sorte de coñecer a grandes compañeiros durante estes anos e incluso facer grandes amigos que quedarán para sempre. O fútbol é unión e, sobre todo, compañeirismo... Por estas razóns me sinto tan identificado con este deporte.

Outra das alegrías que me deu este deporte foron os tres ascensos que tiven a sorte de vivir. Pero non soamente polo feito de ascender, sinon por facelo co equipo do meu pobo e, sobre todo, rodeado de grandes amigos dende a infancia. Isto para min é o máis importante, aínda que para moitos non terá valor, para min un ascenso non sería o mesmo xogando con outra camiseta que non fose a ‘azul e branca’. Pois xogar para o teu pobo e cos teus amigos para min é un ‘plus’.

A cara oposta da moeda sempre son os descensos, posiblemente sexan a peor parte deste deporte. Pero, ata deses momentos se sacan cousas positivas. Aprendes moito e realmente daste conta das persoas que valen a pena, como o noso querido Marcos (presidente eterno). Grazas a el, a día de hoxe, o Portomarín segue competindo. E ten en ‘Chapu’ (novo presidente), o seu digno sucesor.

Para rematar gustaríame agradecerlle a toda a xente que de unha forma ou de outra pon o seu gran de area para que este equipo siga funcionando: directivos, patrocinadores, adestradores, xogadores…

PD: Vémonos no Chao da Poza.

Diego Rigueira Folgueira ‘Cachón’. Capitán do Portomarín. Amante de Chao da Poza

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 874

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.