Os onces dos oitavos da Copa na Segunda e na Terceira

Oito equipos sobreviven na Copa despois de xogarse os oitavos de final a pasada fin de semana. Mantéñense tres dos catro equipos que subiron este curso á Primeira Galicia e dous que ascenden á Segunda. Os cuartos deixan un derbi na zona da Mariña.

No zona norte, o Cervo superou o Matela, despois de remontar na segunda metade o 0-1 en contra co que se marcharon ao descanso e termar con nove xogadores os últimos minutos. Adrián foi o autor dun dos mellores goles da xornada. O seu rival será o Burela que venceu nun dos grandes duelos de oitavos ao Folgueiro tamén logo de remontar o tanto inicial de Aurelio. Quen mantén un gran nivel de forma é o Pol que venceu sen maiores atrancos ao Roupar no Manuel Luna no que Yoel Astariz marcou un dobrete. Nos cuartos enfrontarase á Fonsagrada que recuperou a mellor forma para a Copa e gañou no duelo da Terceira ao Celta Barreiros.

Eliminatorias de cuartos de final. No norte xogan o sábado e no sur o domingo:

Cervo – Burela

Fonsagrada – Pol

Incio – Chantada Atlético

Brollón – Portomarín

Na zona sur, non faltou a emoción dos penaltis que coloca ao Incio nos cuartos de final logo de empatar sen goles ante o SD Becerreá. Un partido igualado tal e como reflicte o marcador que puido caer para calquera lado. O conxunto inciense terá como rival a un recén ascendido á Primeira Rexional como é o Chantada Atlético. O equipo da vila do Asma superou pola mínima ao Santa Comba a domicilio cun gol no tempo de prolongación, despois de que o Santa Comba igualase o choque cun gran gol de Jacobo. O gol de Daniel Delgado aumenta as opcións de enmarcar unha gran campaña. Tamén se decidiu dende os lanzamentos de once metros o emparellamento entre o San Lázaro e o Brollón despois de igualar a un gol. O equipo da Pobra acertou máis dende os penaltis e xogará as semifinais co Portomarín. O equipo adestrado por Manu (futuro adestrador do Lemos B) remontou o tanto inicial de Bronny con gran protagonismo para Óscar López que marcou 3 goles.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 550

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.