Os onces da undécima xornada na Segunda

Guitiriz e Chantada B manteñen, unha semana máis, o seu posto de líder na clasificación da Segunda Galicia. No norte, o conxunto guitiricense e o Cabreiros collen una lixeira ventaxa cos seus perseguidores e, no sur, o filial chantadino fai o mesmo con respecto ao segundo clasificado do seu grupo.

No grupo norte, o Guitiriz mantén a súa imbatibilidade esta temporada e sumou o oitavo triunfo do curso ao derrotar con claridade ao Matela. Cas mesmas vitorias, pero con dous puntos menos, séguelle o Cabreiros que leva catro encontros gañados consecutivamente logo de vencer a domicilio ao Meira, nun dos encontros da xornada que serviu de homenaxe ao falecido Xosé da Flor, ex xogador do equipo meirego e moi coñecido na comarca. Na vindeira xornada, Guitiriz e Cabreiros enfrontaranse entre eles. Cortou a súa xeira de vitorias o Lourenzá ao empatar sen goles nun dos choques da xornada ante o Burela. Tampouco se levou a vitoria o Pol que empatou na súa visita a Candelaria. Quen se mantén na parte alta é o Cospeito que venceu pola mínima o Iberia e tamén o Folgueiro que derrotou ao Mondoñedo. Foi unha fin de semana na que reinou o empate, coas igualadas tamén do Roupar diante do Ourol e do Alfoz diante do Abadín.

No grupo sur, o Chantada B aumenta a tres puntos a súa vantaxe co segundo, despois de sumar o seu quinto partido imbatido ao gañar con claridade ante o Palas. Pola súa banda, o Oural empatou na casa ante o Antas e viu como o Friol que venceu a Milagrosa, e o Santa Comba que derrotou a SD Becerreá; lle recortaban puntos. No derbi da capital lucense entre o Sporting Lucense e o San Lázaro o gol non fixo acto de presenza. Si en Monterroso, onde o seu filial segue medrando e venceu ao Rubián. Onde aínda non se coñece o resultado final é en Portomarín, o encontro foi suspendido cando faltaban algo máis de vinte minutos por lesión do árbitro. Cando chegou outro colexiado a falta de luz impediu continuar un enfrontamento no que ía gañado o Chantada Atlético por 3-4. O Brollón sumou a súa segunda vitoria a domicilio consecutiva logo de derrotar sen problemas a un Castroverde que o está lastrando a ausencia de xogadores.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 548

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.