Os onces da última xornada na Segunda

Rematou a tempada na Segunda Rexional e houbo que esperar a que se desputasen as trinta xornadas da competición para coñecer o groso de equipos que o vindeiro ano competirán na Primeira. Ó xa coñecido ascenso do Friol, sumáronselle esta fin de semana o do Burela, Pol e Chantada Atlético. Por abaixo, os equipos están pendentes dos arrastres para ver en que categoría competirán a vindeira temporada, despois de consumarse o descenso de Alfoz, Ourol, Milagrosa e Rubián.

No grupo norte, a igualdade estivo servida ata o derradeiro partido cun duelo a tres bandas entre Burela, Pol e Folgueiro. Non obstante, non houbo opción á sorpresa porque os tres solventaron os seus choques con claridade. O equipo burelao conseguiu o ascenso na Marosa despois de vencer a un Ourol que competiu moi dignamente e se marchou con empate a cero goles ao tempo de lecer. O Pol foi o primeiro en disipar dúbidas e deixou a novena vitoria consecutiva encarrilada xa no primeiro tempo ante o Iberia. O Folgueiro era consciente de que tiña que darse un fallo dos seus rivais e tamén solucionou o seu encontro diante do Meira. Enfrontamento no que Aurelio volveu facer un dobrete para pechar o curso regular con 30 goles e máximo goleador da categoría. No conxunto meirego mención a parte merece Xuster que nunca faltou a un adestramento e tivo a súa oportunidade no último partido da temporada como un máis dentro dos seus compañeiros.

Cabreiros e Guitiriz tamén completaron as súas grandes campañas con cadansúa vitoria ante Cospeito e Alfoz respectivamente. Ao igual que o Lourenzá que foi superior e venceu a domicilio no derbi co Mondoñedo ante uns 400 espectadores e co debut dos cadetes Xoel, Miguel Hermida e Adnan. Na sétima posición finaliza o Roupar logo de derrotar ao Matela no seu campo. A Candelaria rematou a súa gran segunda volta cun empate ante o Abadín que a deixa nunha meritoria décima posición. A situación clasificatoria pola zona baixa

No grupo sur, o Chantada Atlético saíu vencedor da pelexa polo ascenso que mantivo ata a última xornada co San Lázaro. O conxunto adestrado por Fran Regal venceu na casa ao Castroverde, aínda que a tardanza para sentenciar o partido alimentou as esperanzas do San Lázaro que solucionou pola vía rápida o seu duelo diante do Oural. O equipo chantadino acompañará na Primeira a un Friol que rematou a fase regular coa súa vixésimo terceira vitoria da temporada ante o Monterroso B e con Dani Roca como máximo goleador do grupo con 25 goles. O filial monterrosino seguiu na liña da temporada e puxo en valor a súa canteira con nove xuvenís na concocatoria entres os que estaban os debutantes  Saúl e Adrián Buján.

O Chantada B, xa sen opcións de ascenso, empatou ante a SD Becerreá. En táboas tamén finalizou o duelo entre o Santa Comba e un Sporting Lucense que conseguiu a permanencia. Sétimo finaliza o Palas que pechou a temporada cunha vitoria a domicilio ante o Brollón. No encontro das necesidades, o empate entre Portomarín e Milagrosa deixa o equipo adestrado por Manu pendente dos arrastres e o cadro capitalino no descenso directo.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 548

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.