Os onces da 6ª xornada na Segunda

Despois dos resultados da sexta xornada, Guitiriz e Guntín mantéñense como líderes nos seus respectivos grupos da Segunda Rexional e os dous amplían diferenzas cos segundos clasificados. O Guitiriz no norte ten unha diferenza de tres puntos co Folgueiro (entra en postos de ascenso), mentras que o Guntín de dous co Palas (que tamén se fixo co segundo posto debido ao empate do Portomarín).

No grupo norte, o gran duelo entre os primeiros clasificados confirmou a boa xeira do Guitiriz que venceu pola mínima ao Xermade. O equipo guitiricense continúa gañando todos os seus partidos sen encaixar ningún gol; pola contra, o cadro adestrado por Rebolo perdeu o primeiro enfrontamento do curso. Agora é o Folgueiro quen ocupa o segundo lugar da clasificación, xa que sumou a súa quinta vitoria consecutiva ante un Roupar que aínda non perdera tampouco no que vai de campaña. Volve asomar a cabeza na parte alta o Cabreiros que, despois de dous partidos sen gañar, volveu ao camiño da vitoria ante o Abadín.

Tamén confirma o bo inicio de campaña o Goiriz que remontou o seu encontro ante o Cospeito a base de garra, logo de encaixar un gran gol marcado por Xoán. A entrada de Eladio, xunto coa profundidade de Lucho (curiosamente os dous autores dos goles), foron algunhas das chaves da remontada. O peor foi a lesión do mediocentro Álex Muñiz que tivo que deixar o partido no tramo final. Empatado a puntos co Goiriz atópase o Valadouro que igualou sen goles na súa saída ante o Iberia. Medran tamén na clasificación a Candelaria e a Comercial. O cadro adestrado por Luis venceu pola mínima ao Mondoñedo; mentres que o conxunto capitalino foi superior ao Cervo. Pola súa banda, o Lourenzá gañou por segunda xornada consecutiva ante un Meira que conseguiu un punto ata o momento.

No grupo sur, o Guntín segue encabezando a clasificación despois de logar o cuarto triunfo seguido, desta volta ante o Ferreira (que non perdera ningún encontro ). Avantaxa en dous puntos ao Palas que volve a postos de ascenso directo ao vencer con moita claridade ao Becerreá. O conxunto da Ulloa aproveitou o empate do Portomarín para superalo na táboa, xa que o cadro adestrado por Sousa igualou a dous goles na súa saída ao campo do San Lázaro logo de afrontar o encontro con cinco baixas de peso. Quen tamén gañou na capital foi o Chantada B pola mínima ante un Sporting Lucense que xunto co Monterroso B ocupan postos de descenso sen conseguir ningunha vitoria ata o momento.

Na zona media seguen o Bóveda e o Brollón que empataron sen goles no seu duelo. De mérito foi a vitoria do Corgo ante o San Roque (o outro equipo da categoría que tampouco perdera ata o momento). Por abaixo tamén conseguiron triunfos importantes o Incio ante o filial do Monterroso B e do Oural ante o Santa Comba. A pesar da vitoria, a directiva do Incio decidiu prescindir do tándem formado por Raúl Leizán e Jessi e posibilitar a chegada de Pedro Castro «Monarca» como adestrador. Os dous preparadores que conseguiron o ascenso o ano pasado teñen oferta enriba da mesa para seguir como xogadores segundo nos comunican dende o club.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.