Os onces da 3ª xornada na Segunda

Tres equipos contan os seus partidos por vitorias neste comezo da Segunda Rexional. O Guitiriz e o Xermade colideran o norte, mentras que o Portomarín asume a cabeza da clasificación en solitario. Peor lles van as cousas ao Meira, Bóveda, Monterroso B e Oural; estes catro equipos non sumaron ningún punto nas tres xornadas de liga. En canto a xogadores, esta fin de semana confirmounos que futbolistas como Aurelio ou Pellón non perden o protagonismo.

No grupo norte, o Guitiriz segue ocupando o primeiro posto por diferenza de goles (é o único equipo da categoría que non encaixou ningún). O cadro adestrado por Delfín Romero volveu gañar con claridade no marcador; desta volta ao Iberia nunha destacada actuación de Labrada e Borja. Máis xusto venceu o Xermade; pola mínima ante o Meira. Destacou sobre todo o gol de Abe (que podemos ver no tweet de arriba) e tamén a actuación de Guille. O conxunto meirego non se rendiu, Roberto Carlos e Rubén Vidal lideraron ao seu equipo. Sen perder ningún partido tamén está o Cabreiros, logo de sumar o segundo triunfo da tempada na casa ante a Comercial. O encontro tivo en Borja Pellón ao gran protagonista, o mediocentro pontés marcou tres goles.

Tamén conseguiron vitorias que lles permiten seguir na parte alta o Folgueiro e o Valadouro. O equipo preparado por Anxo venceu a domicilio a un Lourenzá no que formaron parte nove xuvenís.O dianteiro Aurelio marcou catro goles que o colocan como máximo goleador da liga. No Árbol, o cadro local remontou o tanto inicial do Goiriz para facerse cos tres puntos. O Roupar é outro dos equipos que aínda non perdeu; a pasada xornada gañou o seu primeiro enfrontamento ante o Cospeito liderado por Andy e logo de remontar o 2-0 en contra inicial.

Xornada de derbis:

Os dous grandes choques de proximidade finalizaron en táboas. A Candelaria empatou na casa do Cervo e mantén a súa condición de invicto, mentras que o cadro adestrado por Iván Pernas sumou o segundo punto do curso. No derbi catalogado nas redes sociais como do Fiouco, o gran número de afeccionados non puido vibrar con goles; o partido finalizou sen eles; o que supuxo o primeiro punto da campaña para o Abadín.

 

 

Ver esta publicación en Instagram

 

Portomarin 4-3 Monterroso b. Partido moi difícil con gol da victoria no minuto 94. Goles: Santa Comba, Sergio, Hugo e Gatusso. #ForzaPorto #GoPorto

Una publicación compartida de Portomarin C.F (@portomarinfutbolclub) el

No grupo sur, o Portomarín é o protagonista destas primeiras semanas: sumou a súa terceira vitoria consecutiva logo de derrotar pola mínima nun encontro de 4-3 ao filial do Monterroso que se decidiu nos últimos minutos. Hugo Rigueira e Sergio Ariais, que non faltaron a súa cita co gol, foron do máis destacado do partido. Pola súa banda, no Monterroso B destacou a actuación do mediocentro Óscar. No duelo de invictos ninguén quixo perder; o Ferreira e o Palas igualaron a un gol, o que lles permite manterse na zona alta. Sen perder tamén se atopa o San Roque que venceu pola mínima ao Bóveda con goles de Núñez e Aldo. O encontro estivo marcado polo parón que houbo no transcurso do mesmo, despois dunha discusión iniciada na bancada.

O segundo triunfo da temporada chegou para o Guntín, logo de vencer fóra da casa pola mínima ante o Santa Comba. Decidiu un gol do dianteiro Óscar López nos instantes finais do choque. Tamén destacou a segunda vitoria do Becerreá ante o Oural con Santín, Jesu e Jon como xogadores máis sobranceiros por parte dos locais. O derbi capitalino finalizou en táboas entre o Sporting Lucense e o San Lázaro. O conxunto adestrado por Merino tamén se mantén invicto nestas tres xornadas de liga. O outro empate da xornada estivo no duelo entre o Chantada B e o Corgo que se xogou no Anexo de Cerdeiriños. Por último, o Incio logrou a súa primeira vitoria da temporada pola mínima ante o Brollón. Un bo gol de Raúl foi decisivo nun partido no que tamén destacou o central Pedro.

 

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 548

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.