A SD Burela remata o ano con victoria a costa do Chantada Atlético (3-0). Logo da primeira derrota da temporada, os de Oke comezaron o choque cun gol de David Ben logo dun centro que deu tranquilidade ao cadro mariñán. O Chantada Atlético estivo falto de profundidade e, cos cambios introducidos na segunda metade, apretaron ao líder na Marosa. Porén, unha boa transición levada por Yeray e rematada por Yago puxo o 2-0 que deixou o choque moi inclinado para os Máxicos locais. O definitivo 3-0 chegou nunha nova transición.

O Meira rexorde con Rubén Bergantiños aos mandos (2-1). Foi a costa dun San Lázaro que se afunde na táboa. A seriedade dos locais permitiulles adiantarse cun penalti forzado e anotado por Alonso e controlar o choque ata o ecuador do segundo tempo, cando Farra rematou un balón que se colou na rede dos capitalinos. O empuxe dos da Ponte valeulles para anotar un gol de penalti na recta final, pero non foi suficiente para puntuar, 2-1.

O Racing Villalbés cede ante o empuxe da SD Chantada no Roca (1-2). O gran gol inicial de Xende non fixo senón preludiar o dominio dos Máxicos visitantes ao longo da primeira metade: Kadete actuaba como referencia e o xogo directo xurdía efecto. Porén, a falta de acerto chantadina permitiu que o filial chairego chegase vivo ao descanso e apretase aos seus rivais na reanudación: Kaká enviou ao fondo das mallas un rexeite de Moncho a remate de Molina. Gabri tivo dúas grandes ocasións para facer o 2-1, pero o coiro non quixo entrar e Nodar anotou cun centro-chut o definitivo 1-2 a prol dos de Traste.

O Xove supera a un Pastoricense que chegaba enrachado (3-1). A falta de pegada dos visitantes nos primeiros dez minutos mantivo con vida aos mariñáns, que medraron no choque e acadaron o 1-0 nun saque de esquina. Pouco despois, o Xove —que mantiña unha alta intensidade e superaba nos duelos aos seus rivais— fixo o 2-0 nun desaxuste defensivo dos de Juanma. No segundo tempo, o Pastoricense mellorou e recurtou diferenzas por medio de Dani e tan só a falta de acerto impediu un empate que se esfumou nunha transición ben levada polo cadro local e finalizada por Diego, 3-1 no Municipal.

O Castro vence ao Guntín para rematar o ano (3-1). Aínda que os primeiros minutos foron para os Máxicos locais, o Guntín aproveitou un roubo para facer o 0-1 e a piques estiveron de facer o segundo nos seguintes minutos. Porén, o Castro foi recuperando o pulso do choque e empatou por medio de Marino á saída dun córner. Na segunda metade, os vermellos melloraron e acadaron o 2-1 e o definitivo 3-1 nun partido moi aberto que puido caer para calquer lado.

O Oural volve á senda da victoria a costa do Lourenzá (2-1). O choque estivo moi disputado no Luis Pallín. A presión alta dos Máxicos visitantes non surtiu efecto, e unha acción individual de Mario traduciuse nun penalti que anotou Fabián para poñer o 1-0. Xusto antes do tempo de lecer, unha serie de rexeites na área local foi aproveitada por Yago para poñer o 1-1. O xogo estivo máis trabado na segunda metade, pero o Oural obtivo o premio á súa intensidade cunha acción que culminou Diego logo de regatear na área.

A Residencia segue a estela do Burela ao vencer en Santaballa (0-1). A igualdade foi a tónica dominante na Liga, pero os Máxicos locais foron máis protagonistas ao longo do primeiro tempo. Na segunda metade, os de Freire mantiveron a intensidade e gozaron das oportunidades máis claras á volta dos vestiarios. Co paso dos minutos, os visitantes deron un paso adiante e inquedaron a meta defendida por Ivo ata que Pereira fixo un gol propio de «killer» cando aproveitou un rexeite no tempo engadido para levar os tres puntos cara A Cheda (0-1).