Once da xornada 36 na Preferente Galicia

Remataron xa as competicións regulares na Terceira, Primeira, Segunda e Terceira Galicia pero a que segue é a Preferente. Quédanlle os últimos coletazos en forma de dúas xornadas nas que tres equipos lucenses terán algo en xogo, aínda que os obxectivos que lles restan son complicados de cumprir. O que pasou nesta fin de semana queda reflectido no noso once.

O Lugo B debe agardar dous erros tanto do Estudiantil como do Laracha para asaltar unha segunda praza da que está a catro puntos. Nesta pasada xornada ningún dos tres fallou. O filial albivermello debutou con bo pé no Anxo Carro e derrotou por 2-o ao Arzúa. Marcos, Renda e Cuadrado (con dous goles) foron os máis destacados do equipo que adestra José Durán que queimará os seus últimos cartuchos ante o Bertamiráns (estase xogando a salvación) e o Sada (xa descendido).

Pola súa banda, Lemos e Chantada apuran tamén as súas opcións de salvación que cada vez son menos. No caso do conxunto chantadino só unha milagre evitaría o seu descenso á Primeira. Tería que gañar os dous partidos que lle restan, que os tres rivais que o anteceden perdan e despois agardar a que se eviten os arrastres. Para iso, deberían de ascender cando menos dous equipos galegos de Terceira á Segunda B para que lle dera opción ao terceiro da Preferente Norte de subir no play-off e así librar un descenso á Primeira. O equipo de Pepe Martín errou cando menos tiña que facelo e perdeu por 0-1 ante un rival directo como o Betanzos. O defensa Álex e o porteiro Ferre foron dous dos xogadores máis destacados do encontro.

Yago do Ribadeo e Chis do Viveiro repiten no once ideal da Preferente Norte lucense

O Lemos tamén complicou a súa permanencia na categoría xa que non pode conseguir a salvación definitiva e terá que agardar aos posibles ascensos de Terceira á Segunda B, algo que semella complicado. Cando menos deberá adiantar na clasificación ao Mugardos (co que se atopa empatado a puntos) para ser o primeiro dos arrastres en poder salvarse. Onte desperdiciou unha boa oportunidade na Pinguela ante un Viveiro sen grandes obxectivos en xogo pero que foi superior. Gañou por 0-4 con Erni, Dani Fernández e Diego Chis como futbolistas máis sobranceiros do equipo da Mariña.

No resto de equipos destacamos a actuación de Mauro Poratti e Yago no triunfo do Ribadeo por 3-2 ante o Paiosaco. Os tres puntos, deixan ao equipo adestrado por Fiz con posibilidades de loitar pola quinta praza da clasificación. Un posto ao que non pode optar o Escairón que empatou na casa do Noia (0-0). Iván González foi un dos xogadores destacados do conxunto de Alberto López. Por último, a Sarriana que volveu perder desta volta 0-1 co Xallas e segue sen atopar o camiño da vitoria no que está sendo a súa despedida da Preferente.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 558

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.