Once da xornada 37 na Preferente Galicia

Foi unha fin de semana de contrastes con grandes goleadas de equipos lucenses e tamén con abultadas derrotas encaixadas polos clubs da provincia. A unha xornada de rematala liga, confirmouse o descenso á Primeira Galicia do Chantada que implica que o Chantada Atlético descenda á Segunda Galicia. Tamén se complica cada vez máis a salvación do Lemos e o Lugo B dependerá doutros resultados para ser terceiro.

O filial albivermello cumpriu na súa visita a Bertamiráns e gañou por 0-4. Unha vez máis Dani Renda e Cuadrado con dous goles volveron ser os xogadores máis destacados do encontro, xunto con Julio Camba. O conxunto adestrado por José Durán rematará a liga ante o Sada ao que deberá gañar e agardar unha derrota do Estudiantil para quedar terceiro e poder xogar o play-off de ascenso. A promoción valerá de algo se sube á Segunda B máis dun equipo en Terceira.

Dani Renda e Cuadrado do Lugo B repiten no once por segunda semana consecutiva

Por outra banda o Chantada confirmou o seu descenso ao perder 4-0 ante o Arteixo. A pesar de colleitar tres vitorias consecutivas no último tramo de liga encaixou varias derrotas nos últimos encontros que lle impediron seguir con vida. É o segundo equipo lucense que descende este ano, tras o da Sarriana que encaixou unha goleada por 5-0 ante o Paiosaco na súa última saída. Os descensos da provincia poderían ser tres, xa que o Lemos ten a salvación moi complicada. Perdeu por 7-3 ante o Arzúa. Deberá, cando menos, empatar ante o Bertamiráns na última xornada e agardar os ascensos de todos os equipos da Terceira á Segunda B para que así, os equipos da promoción da Preferente Norte poidan tamén optar ao ascenso.

O outro gran foco da xornada estivo na goleada do Viveiro por 10-1 ante o Soneira en Cantarrana. O conxunto de Germán Amil enfrontouse a un equipo moi mermado que non opuxo resistencia. Pola contra, no Viveiro destacaron Arturo con catro goles, Aurelio que na súa despedida do seu club de sempre anotou un gol e deu catro pases de gol e tamén Xenxo que entrou na segunda metade e marcou un hat-trick. O Viveiro segue oitavo na clasificiación con posibilidades de ser sexto. Sétimo é o Escairón que venceu tamén por 5-0 ante o Sofán. No equipo do Saviñao destacaron Caio (inaugurou o marcador) e Marcos Vázquez na defensa e David Calo que anotou tres goles. Por último, o Ribadeo empatou por 1-1 na casa do Betanzos. Nunha xornada na que os porteiros tiveron moito traballo por un lado e un papel case testemuñal por outras, destacamos a actuación de Iván Parapar no Ribadeo a pesar de encaixar un gol o final e tamén ao mediocentro Martín que anotou o gol do conxunto da Mariña.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 558

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.