O Viveiro volve a sorrir en Cantarrana e escapa do descenso

A xornada de Terceira deixounos os triunfos do Polvorín diante do Barco e do Viveiro fronte ao Alondras. O Racing Vilalbés non pasou do empate na Madalena co Arzúa. Na Preferente tres derbis provinciais e todos remataron con triunfos locales. Sarriana, Lemos e Ribadeo venceron a Santaballés, Foz e Escairón respectivamente. A Residencia non puido sumar na Cheda diante do Montañeros.

Luca´s Grill
Moreno´s Pizza

Triunfo do Polvorín diante do Barco cun tanto do pichichi Rojo (1-0).

Foi mellor o filial albivermello diante doutro dos serios candidatos a pelexar polo ascenso a Segunda RFEF. O Polvorín xerou numerosas ocasións de gol ao longo do partido e nunha das primeiras chegou o único gol do encontro. Unha indecisión na zaga visitante provocou que o gardameta cometa penalti sobre Rojo que él mesmo transformou.

Deportes Élide

O Barco chegou en contadas ocasións á portería lucense. Morais, ex do Polvorín que rematou expusado, puxo a proba a Julen cun tiro cruzado. Os de Álex Ortiz controlaron o xogo, malia que na segunda metade o empuxe visitante convertiu o encontro nun ida e volta no que o Polvorín tampouco se sentiu incómodo. Rojo, Idrissa en dúas ocasións e Expo tiveron opcións de ampliar diferencias.

O Racing Vilalbés cedeu un empate nos últimos intres de encontro diante do Arzúa (2-2).

O conxunto chairego rematou a súa esixente semana cun empate na Madalena. Non tardou nin cinco minutos en poñerse costa arriba o encontra para o Racing. Nunha xogada que puido rematar con penalti para os de Simón Lamas, o colexiado sinalou falta en ataque e nesa contra chegou o tanto arzuán, obra de Chiño. Faltoulle profundidade ao Racing na primeira metade, aínda que malia todo contou con boas ocasións para marcar, sobre todo nas botas de Pedrosa e en varias xogadas combinativas que non remataron con premio.

Na segunda metade o técnico chairego moveu as súas fichas e o cadro local gañou en profundidade. Non tardou en chegar o empate, obra de Pedrosa desde os once metros e tan só cinco minutos despois Jose Varela logrou a remontada cun bo lanzamento desde fóra da área que se cola pola escadra de Cristopher. O Arzúa quedou tocado co segundo tanto en contra e o Racing contou con varias opcións para sentenciar. Unha das máis claras tívoa Ángel, pero o lanzamento de falta saiu rozando o pao. O Arzúa buscou o empate nos últimos compases sen inquedar en exceso a portería local, ata que no minuto 93 nunha xogada desafortunada de Ángel Fraga remata co tanto de Óscar Lorenzo.

O Viveiro derrota ao Alondras e sae dos postos de descenso (2-0).

Encontro soso en Cantarrana. Viveiro e Alondras non protagonizaron un partido atractivo para o espectador, no que o cadro local foi mellor. Na primeira metade as ocasións foron escasas, pero todas de cor celeste. Asier tivo a máis clara e preto do descanso o conxunto local reclamou penalti por caída de Chenkam na área rival.

O primeiro tanto tardou en chegar. Foi no minuto 69 cando Berrocal rematou un centro lateral, e logo dunha carambola o balón entrou na portería do Alondras. O conxunto do Morrazo, moi plano ao longo dos noventa minutos, no chegou a inquedar a Manu Cedrón. A falta de dous minutos para chegar ao final do tempo regulamentario Tichu convirtiu un lanzamento de penalti para sentenciar o encontro.

A Sarriana goleou ao Santaballés e segue intratable na casa (4-0).

O líder non perdoa na Ribela. Os de Edu Rodríguez levaron a iniciativa diante dun Santaballés que afrontou o partido con moitas baixas, pero que non agardou á Sarrriana agazapado en defensa. Os de Juan Rodríguez non pasaron apuros ata o ecuador da primeira metade cando o xuvenil Hamza, que debutaba como titular anotou en xogada indiviudal.. O cadro visitante adiantou liñas e iso aproveitouno a Sarriana para xerar máis perigo, aínda que o gardameta chairego respostou ben diante das ocasións locales, nas botas principalmente de GerardoNon e Omar. A falta de cinco minutos para o descanso Iago fixo o segundo gol logo de aproveitar un rexeite.

Na segunda metade o Santaballés saiu na procura do empate, pero a Sarriana aproveitou á perfección os espazos e non tardou en sentenciar o encontro, cun tanto de Gerardo, que empurra á rede logo dunha boa xogada de Omar. O cadro chairego non se rendiu e Dani San gozou dunha clara ocasión para recurtar diferencias. O cuarto tanto local puido chegar pouco despois nun dubidoso penalti que lanzou Gerardo, pero que Adrián detivo nunha boa intervención. A falta de quince minutos Omar marcou o cuarto e definitivo tanto nunha boa xogada individual.

O Lemos segue invicto en 2022 logo de dobregar ao Foz (2-0).

O comezo de partido foi de dominio focense. Os de Gayol contaron con tres ocasións moi claras para poñerse por diante nas botas de David Ben, Diego Vicente e Xesús que non foron quen de aproveitar. Sen embargo, o cadro monfortino anotou na súa primeira chegada clara á área rival. Armesto asistiu desde a banda dereita a Mauro que batiu a Rubén.

Na segunda metade o Lemos tivo o dominio do encontro e a falta dun cuarto de hora para o final Armesto, o mellor dos monfortinos, finalizou unha contra sentenciando o choque. Nos últimos minutos os de Alberto López contaron con opcións de ampliar o marcardor, pero Sidibé e Rubén Díaz non tiveron atinados.

O Ribadeo vence ao Escairón e ten a tiro de pedra a promoción de ascenso (3-1).

Encontro cómodo do conxunto mariñán no Pepe Barrera diante do Escairón. Os de Jorge Rodríguez amosáronse voluntariosos, pero a súa febleza defensiva non lles permitiu ter opcións de sacar nada positivo, malia recurtar diferencias nun momento clave da segunda metade.

A primeira metade tivo ao Ribadeo como claro dominador e tan só o canario Álex Ávila foi quen de manter ao Escairón no partido. O marcador non tardou en moverse. Nunha xogada por banda esquerda Andrés colocou un bo balón que Criss rematou cun gran testarazo ao fondo da portería. A partir de aí, os de Dani Moirón gozaron de numerosas ocasións para deixar o encontro sentenciado no primeiro tempo. Iván,Diego Núñez e Criss atopáronse coa inspiración de Álex Ávila e Santi e Xairo estrelaron dous balóns nos paos.

A segunda metade comezou dun xeito moi parecido á primeira. Aos dous minutos de xogo, o Ribadeo ampliou diferencias no marcador. Un balón solto na área recolleuno Santi e o seu potente disparo rematou preto da escadra. O Escairón, co resultado claramente en contra deu un paso adiante e no seu primeiro disparo a portería foi quen de recurtar diferencias. Carrasco, cun axustado lanzamento desde a frontal superou a Carrera. Non cambiou o guión co tanto visitante e o Ribadeo seguiu levando a iniciativa. A falta de quince minutos para o final, logo dun saque desde o curruncho, Roi rematou na área pequena e sentenciou o choque. Os visitantes tentárono cun remate de Quiroguita que parou ben Carrera.

Dous erros defensivos condenan á Residencia diante do Montañeros (1-2).

Encontro con dúas metades ben diferencidas. Na primeira foi superior o conxunto coruñés, que antes do primeiro cuarto de hora foi quen de adiantarse no marcador. Rubén Rivera aproveitou un erro na saída do balón da Residencia para batir Sanmi. O Montañeros gozou de claras ocasións para poñer terra de por medio, pero non estivo acertado. O cadro local igualou o encontro na súa única ocasión da primeira metade. Dani Renda transformou un penalti cometido sobre él mesmo.

A segunda metade foi de dominio local. A Residencia tivo o balón e inquietou a portería rival, pero de novo un erro defensivo rematou co tanto de Xavi. Os de Dani Galán tiveron opcións para empatar, a máis clara nas botas de Yeray, pero o marcador xa non se moveu.

Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 499

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.