portada maxicos

Máxicos Luca’s Grill. Xornada 16

A falta de tan só dúas xornadas, os Máxicos e os seus clubes apuran as súas opcións de cara a loitar polo ascenso ou pola permanencia na segunda fase.

Luca´s Grill
Moreno´s Pizza

San Roque 0-0 Outeiro de Rei: a Polvoreira viviu un choque moi igualado na que as defensas foron as protagonistas. O Outeiro tivo un protagonismo con balón, pero os locais neutralizaron ben as acometidas visitantes e apenas concederon ocasións claras. Ambos conxuntos levaron perigo a balón parado pero o resultado gafas non se moveu.

Xove Lago 0-0 Sporting Pontenova: resultado gafas no Municipal pese a que o choque, emocionante, contou con numerosas ocasións. Os locais xeraron bastante oportunidades, particularmente no segundo tempo pero, na procura da victoria, o Sporting conseguiu unha contra que rematou cun penalti ao seu prol. Porén, os visitantes erraron no lanzamento e o resultado non mudou ao longo dos 90′.

Deportes Élide

SD Chantada 4-2 Guntín: partido moi divertido cunha primeira parte tola o que se viviu no Sangoñedo. Comezaron mellor os visitantes, que conseguiron o 0-1, pero os locais aumentaron o ritmo e déronlle a volta ao choque (2-1). Na última xogada do primeiro tempo, o Guntín puxo o 2-2. Na segunda metade mellorou o Chantada, que foi quen de facer o 3-2. Desde ese gol, o choque convertiuse nun corre-calles e calquera puido anotar, pero foron os locais os que sentenciaron co 4-2.

Riotorto 1-0 Lourenzá: dous equipos que necesitaban a victoria medíronse nun gran choque na Veiga no que houbo alternativas para ambos. Porén, o Lourenzá seguiu na liña das últimas semanas e errou numerosas oportunidades, mentres que o Riotorto foi quen de levarse a victoria a falta de dez minutos cun gol de Marino que serve aos locais para asentarse na zona alta da táboa.

Friol 2-0 Portomarín: deu a sorpresa o Friol ante o líder nun choque no que os locais se impuxeron a un Portomarín que non foi quen de despregar o seu xogo na Reigosa. Un gol de Barrio en propia meta puxo de cara o choque para os friolenses, que souberon neutralizar as acometidas visitantes cunha sobria defensa. No comezo da segunda parte, o Friol anotou o 2-0, que foi un mazazo para un Portomarín que non foi quen de recurtar as diferenzas.

Alfoz 0-1 Castro: partido pechado no Municipal, marcado pola solidez defensiva en ambas áreas e pola escaseza de oportunidades. Porén, o Castro demostrou por que é o líder da categoría e na segunda parte deu un paso adiante que lle serviu para anotar o 0-1 tras un centro. Co gol, o Alfoz apretou e a piques estivo de igualar a contenda na recta final, pero finalmente o marcador non se moveu.

Monterroso – Chantada Atlético: o partido adiouse por mor de casos Covid-19 nos chantadinos.

Pol 2-0 Burela: o Pol conseguiu unha victoria de mérito diante dun Burela que loitou ata o final e que puido poñerse por diante na primeira parte. De feito, os da Marosa gozaron de tres ocasións moi claras que non aproveitaron. Porén, o Pol mellorou na segunda metade e, por medio dun bo fútbol que mermou a capacidade física visitante, fixeron dous goles entre o 60′ e o 70′ que lles serviron para sacar tres puntos moi importantes do Manuel Luna.

San Lázaro 0-2 Taboada: sacou tres puntos de ouro o Taboada das Gándaras logo de facer un partido moi serio e apenas conceder ocasións aos locais. No primeiro tempo o San Lázaro apretou e a piques estivo de comprometer á defensa visitante, pero foron os de Taboada quen anotaron nun centro lateral. Na segunda metade, o Taboada xestionou ben o ritmo de partido e sentenciou na recta final por medio de Gabri.

Pastoricense 3-1 Folgueiro: adiantouse o Pastoricense no primeiro cuarto de hora, pero o Folgueiro -sen presión a nivel clasificatorio- foi a máis e, como recompensa, conseguiu o 1-1 ao filo do descanso. No segundo tempo tamén empurraron máis os visitantes, pero os do Acebreiro melloraron cos cambios e conseguiron o 2-1. Con este resultado, o Folgueiro volveu pecar de falta de efectividade ao marrar un par de ocasións moi claras, e o Pastoricense sentenciou na recta final.

Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 524

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.