O Polvorín e o Racing Vilalbés acadan importantes triunfos a domicilio

A gran nova da xornada 18 foi a volta dos afeccionados aos campos da Terceira. Malia todo non foi unha xornada propicia para os equipos locales. No grupo 1 tan só o Estudiantil foi quen de gañar no seu campo. O Viveiro, que xogaba un encontro trascendental ante o Arzúa caeu con claridade en Cantarrana. Mellores novas nos deixaron os encontros do Polvorín e o Racing Vilalbés. O filial albivermello logrou gañar en inferioridade no campo do Paiosaco e os chairegos fixeron o propio no Ara Solis de Fisterra.

Un tanto de Antón Escobar outórgalle ao Polvorín os tres puntos no campo do Paiosaco (0-1).

O Polvorín acadou tres puntos pra consolidar o terceiro posto e achegarse á segunda praza que ocupa o Somozas logo do empate deste diante do Silva. Non foi doado o encontro diante dun conxunto para o que cada encontro é unha final para tentar abandoar os últimos postos da clasificación. Álex Ortiz deixou no banquiño ao pichichi Christian e deulle entrada a Gabarre, que fixo unha gran primeira metade, pero que rematou expulsado ao borde do descanso. Calquera dos dous cartóns foron moi protestados polo conxunto lucense.

Foi mellor o filial albivermello no primeiro tempo. Non abundaron as ocasións de gol, pero si a sensación de perigo sobre todo aproveitando as caídas ás bandas dos puntas Antón Escobar e Morais. Deles foron as mellores ocasións dos primeiros corenta e cinco minutos logo de sendos centros laterais. A expulsión de Gabarre cambiou o debuxo do Polvorín na segunda parte e o Paiosaco, sedento de puntos, lanzouse a polo gol do triunfo.

Pero este logrouno Antón Escobar. Dani Vidal recuperou un balón en tres cuartos de campo e conectou co punta que superou a Rama cunha precisa vaselina. Incluso o Polvorín contou con opcións para marcar cunha boa ocasión de Morais que lanzou lixeiramente alto.

No último cuarto de hora o conxunto local meteu ao Polvorín no seu campo e buscou o tanto por medio de centros laterais. Sayes, cun remate de cabeza fíxolle intervir a Julen, pero o marcador non se moveu.

O Racing Vilalbés gaña en Fisterra e segue optando ao terceiro posto (0-1).

O cadro chairego rachou a xeira de catro encontros sen coñecer a vitoria, e fíxoo nun Ara Solis no que reinou un gran ambiente de fútbol e no que a ruidosa afección local animou sen cesar aos seus. Trocou Simón Lamas o sistema e situou a Vérez por diante da defensa nunha especie de rombo do que tamén formaban parte Make, Jose Varela e Cuadrado.

Non puido comezar mellor o encontro para o Racing. No minuto 5 tras un saque de banda , Santi Gegunde tocou e Muíña rematou o balón ao fondo da portería. Non foron doados os seguintes minutos, nos que o Fisterra buscou o tanto do empate mediante xogadas de estratexia principalmente, aínda que non gozaron de ocasións claras de gol. Antes do intermedio, o cadro vilalbés tivo varias opcións para ampliar as diferencias nas botas de Pedrosa e Cuadrado.

Na segunda metade ámbolos dous equipos chegaron á área rival con perigo. José Varela, Santi Gegunde e o propio Muiña non acertaron coa portería defendida por Rama. Nos derradeiros dez minutos tocou sufrir. O cadro fisterrán, ao que volvía Ángel López ao banquiño, tentou a igualada de tódolos xeitos posibles. O ex racinguista Juan de Dora estrelou o balón no longueiro da porta de Javi Rumbo e Aarón López conectou un testarazo que marchou lixeiramente alto.

Segunda vitoria da temporada lonxe da Madalena dun Racing que amplía a vantaxe sobre os postos de promoción de permanencia ao tempo que mantén á vista o terceiro posto que ocupa o Polvorín, tendo en conta que os chairegos teñen por disputar un encontro diante do Fabril.

Derrota contundente do Viveiro diante do Arzúa en Cantarrana (0-3).

Paso atrás do conxunto mariñán na pelexa pola permanencia. Logo da derrota do Fabril, o triunfo no choque de Cantarrana antollábase fundamental para fuxir do sétimo posto. Pero o Arzúa amosou ás claras a súa gran pegada, nun encontro no que o Viveiro tivo o control, pero os visitantes foron que marcaron os goles.

Cun só troco no once titular con respecto ao último encontro diante do Fisterra no que entrou o capitán Álex Meitín no canto de Facu, o Viveiro monopolizou o xogo durante os primeiros corenta e cinco minutos. Álex Meitín e Tichu puideron marcar nos primeiros compases, xusto antes de que Uriol tivese que sustituir ao mancado Agus. O Arzúa non avisou e na primeira chegada ao borde da media hora de xogo marcou. Brais Pedreira aproveitou a mala saída de balón viveirense e cun zurdazo colocou o balón na escadra de Manu Cedrón. Case sen tempo para a reacción chegou o segundo. Manu Casal centrou desde a banda esquerda e Borja Míguez conectou un testarazo que rematou no fondo da portería.

Chusky moveu o banquiño no intermedio e deulle entrada a Facu e Criss no sitio de Álex Meitín e Rolle. Sen que houbera tempo para ver o rendimento do novo debuxo do Viveiro chegou o tanto da sentencia. O killer Íker Hurtado aproveitou un erro defensivo e superou ao gardameta viveirense.  A falta de pouco máis de vinte minutos para o final o cadro visitante quedou cun home menos pola expulsión do central Tomé, por dobre cartón amarelo. O Viveiro tentouno de tódolos xeitos posibles, pero non era o día. Incluso puido chegar o cuarto de novo por medio de Íker Hurtado.

Nos últimos compases os mariñáns pediron penalti sobre Javi Rey e protestaron un gol anulado a Arturo. Chusky e Bebo foron expulsados logo de recriminarlle ao colexiado estas accións.

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.