O partido Fisioterapia Ronda . . . Sarriana – Lemos: un derbi para rematar o ano futbolístico

Chegamos ao final do ano futbolístico no noso fútbol, pero antes de que este remate tócanos disfrutar dun derbi entres dous dos mellores conxuntos da Preferente. A Sarriana e o Lemos mídense na Ribela o domingo ás 16:30 horas nun encontro marcado polas importantes. Arbitrará o colexiado lucense Pérez Prado.

Luca´s Grill
Moreno´s Pizza

A Sarriana chega ao derbi na segunda posición logo de perder o liderato na última xornada ao caer derrotado pola mínima no campo do Mugardos. Aínda que a temporada do cadro sarriao está resultando sobresaínte, é certo que a domicilio o conxunto adestrado por Edu Rodríguez non foi quen de puntuar ante equipos chamados a pelexar tamén polo ascenso como o propio Mugardos ou o líder Montañeros. En troques, na Ribela ata o momento atópase intratable. Seis triunfos noutros tantos partidos e só tres goles encaixados. É a carta de presentación dunha Sarriana que non poderá contar con tres xogadores claves no seu esquema: Omar, Gerardo e Keko.

Nun gran momento de forma afronta o Lemos o último encontro do 2021 cunha soa derrota nos últimos sete encontros. Esta xeira positiva dos de Alberto López fixo que os monfortinos se situaran nos postos de privilexio. Cuartos, a cinco puntos da Sarriana, e cunha renda considerable cos postos de promoción de permanencia. Ademáis, o Lemos está amosándose moi sólido lonxe da Pinguela, cedendo só catro puntos nos seus desprazamentos.

O último enfrontamento entre Sarriana e Lemos na Ribela tivo lugar o 30 de maio deste ano 2021 e rematou con triunfo monfortino por cero goles a un. O único tanto do encontro anotouno Diego Torres, que xogará o encontro desta volta coa camisola da Sarriana.

Luca´s Grill

que opinan os protagonistas?

JACOBO VILARIÑO (SD SARRIANA)

  • As ausencias. «Mentiría se dixera que non temos baixas importantes, pero considero que somos un gran equipo con xogadores que poden suplir esas baixas con garantías. Afrontamos o partido con moitas gañas. Un derbi sempre é bonito de xogar e sairemos a traballar e a intentar facer un bo papel sobre o campo».
  • A clave. «Estará no acerto que teñamos os dous equipos. Creo que o encontra pasará por diferentes fases. Creo que se somos capaces de levar a cabo o noso xogo e estamos seguros co balón poderemos facerlles bastante dano. Teremos que estar moi atentos á súas transicións, que son o seu gran perigo».
  • O camiño cara o ascenso. «É complicado. Temos un camiño longo e complicado que percorrer, pero creo que se seguimos nesta liña, confiando no adestrador e no corpo técnico, imos pelexar ata o final. Tódolos equipos que están aí arriba na pelexa teñen calidade suficiente para lograr o obxectivo. O que esté máis acertado será quen teña o premio final».

ÁLVARO (LEMOS)

  • O bo momento do equipo. «Chegamos ben. A primeira volta serviunos para coñecernos e imos tentar facer a segunda ao mesmo nivel ou mellor. O derbi vén nun bo momento, afrontámolo con ganas, xa que, son encontros especiais e bonitos de ver. Gustaríame que xogara Omar para que fora algo máis especial, pero eles teñen un equipazo igualmente, calquera que xogue pode facernos dano».
  • O rival. «Teñen moitísima calidade. Nós teremos que suplir iso a base de intensidade. Imaxino un encontro moi igualado e levarao o que esté máis acertado nos momentos claves».
  • A fortaleza do equipo. «Creo que todo se basa no traballo. É incrible o que poden chegar a correr estes «xabaríns» adestrando. Somos unha familia, a min desde o primeiro día recibíronme xenial e axudáronme en todo. Se seguimos nesta liña podemos xogar o play off de ascenso, pero hai que ir partido a partido, xa que calquera pode pintarcha a cara».
Moreno´s Pizza

a axenda

TERCEIRA DIVISIÓN

  • Viveiro – Polvorín (Sábado ás 16:30 horas en Cantarrana): logo de acadar o primeiro triunfo a domicilio, os de David Páez buscarán encadear dúas vitorias consecutivas que os alonxen do perigo. Enfronte un Polvorín que tentará aproveitar o derbi para reconciliarse coa vitoria despois de dúa xornadas consecutivas empatando.
  • Racing Vilalbés – Ourense CF (Sábado ás 16 horas na Madalena): os chairegos reciben a un dos cocos da categoría, pero que está a tiro de pedra na clasificación dos de Simón Lamas e tentarán alongar a gran xeira de máis de dous meses sen perder.

PREFERENTE NORTE

  • Escairón – Foz (Domingo ás 16 horas no Municipal): os dous últimos clasificados fronte a fronte. Tres puntos vitais nas súas aspiracións de engancharse ao tren da permanencia.
  • Ribadeo – Mugardos (Domingo ás 16:15 horas no Pepe Barrera): os de Dani Moirón precisan dun triunfo logo de dúas derrotas consecutivas que cortaron o despegue dos ribadenses. Non o terán doado ante un dos conxuntos chamados a pelexar polo ascenso.

PRIMEIRA AUTONÓMICA

  • Portomarín – San Lázaro (Domingo ás 16 horas no Chao da Poza): o cadro local tratará de lograr un triunfo para rachar a irregular traxectoria dos últimos partidos. Enfronte, o conxunto adestrado por Diego Rey, logo de dous empates consecutivos, precisa dun triunfo para achegarse á zona alta.
  • Xove Lago – Riotorto (Domingo ás 17:15 horas no Municipal): os de Bruno Gómez atópanse no seu mellor momento do curso logo de dous triunfos consecutivos. Unha vitoria meteríaos de cheo na pelexa polos postos de privilexio. O Riotorto precisa dos tres puntos para non deixar fuxir a Castro e Pol na cabeza.

SEGUNDA AUTONÓMICA

  • Cospeito – Meira (Sábado ás 16 horas na Fonte): os dous primeiros fronte a fronte. Un triunfo local apretaría a clasificación ao máximo, pero os de Labrada chegan a este encontro invictos e con pleno de vitorias a domicilio.
  • Oural – Brollón (Domingo ás 16 horas no Luis Pallín): logo de dúas derrotas consecutivas, o conxunto local tentará acadar os tres puntos que lle permitan optar ao liderato. Os de Chura tentarán sumar para non caer á zona de play off de permanencia.

TERCEIRA AUTONÓMICA

  • Rioaveso Machinango – Catro Roldas (Domingo ás 16 horas en Paraños): derbi vilalbés no que o conxunto local tentará rachar a xeira de tres encontros sen gañar diante dun Catro Roldas que non perde desde a primeira xornada.

Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 473

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.