O partido da xornada . . . Sporting Pontenova – S.D.C. Cabreiros: o mellor visitante pon a proba a fortaleza da Mina

A xornada 19 tráenos, no grupo Norte da Segunda Autonómica, un encontro entre dous aspirantes ao ascenso. Será o domingo ás 16:15 horas no campo da Mina e enfrontará ao Sporting Pontenova e ao Cabreiros, baixo a dirección do colexiado Iván Prado López.

O cadro local é quinto clasificado a catro puntos da segunda praza que ocupa o seu rival nesta xornada, polo que se presume un partido clave para as aspiracións do conxunto dirixido por Andrés Bouza. O Sporting Pontenova, malia caer na última xornada no feudo do Guitiriz, camiña nunha inercia positiva de resultados. Nos catro encontros anteriores foi quen de sumar dez puntos e conta os últimos cinco encontros como local por vitorias. Foi precisamente o Guitiriz, na primeira volta, o único equipo que logrou sacar os tres puntos da Mina. Coa baixa de Puente por acumulación de cartóns, o Sporting tentará acadar un triunfo que o meta de cheo na pelexa polo ascenso.

Se falamos do Sporting Pontenova como un dos mellores locales da categoría, o Cabreiros é o mellor visitante. O equipo de Abel Rochela sumou dezanove dos seus trinta e cinco puntos a domicilio. Tan só a derrota na Veiga ante o Sanci e o empate no campo do Mondoñedo empañan a gran traxectoria dos xermadinos lonxe da Cea. Unha racha de cinco encontros sen perder nos que sumaron trece puntos auparon ao Cabreiros á segunda posición e convertiuse en firme candidato a ocupar unha das prazas de ascenso a final de temporada.

O último enfrontamento entre Sporting Pontenova e Cabreiros na Mina data do 2 de outubro de 2016 con triunfo local cun solitario tanto de Héctor desde o punto de penalti. Ao final desa temporada, o Sporting foi primeiro e ascendeu a Primeira Autonónica, mentres que o Cabreiros rematou na sexta praza.

Falamos do encontro con Carlos López ‘Charli‘ (Sporting Pontenova) e con Seijo (Cabreiros).

QUE OPINAN OS PROTAGONISTAS?

CHARLI (SPORTING PONTENOVA)

 – O Cabreiros. «Na Mina os encontros sempre son disputados e vendo a clasificación, este debería selo aínda máis. Malia todo, xogamos na casa, precisamos máis dos puntos e seguro que vai un montón de xente ao campo, así que agardo que a vitoria se quede na Pontenova. Non estiven na ida, pero polos comentarios, o Cabreiros foi un dos equipos que mellor impresion causou«.

– Traxectoria ascendente. «Aínda que pareza mentira, porque o cambio de categoría é hacia abaixo, creo que nos costou moito adaptarnos á Segunda. Ademáis, viñamos dun ano complicado e o grupo precisaba coller confianza e asentarse. A partir de aí o equipo mellorou en xeral e sácanse partidos adiante que ao comezo parecía imposible«.

 – Posibilidades de ascenso. «Falta moito, hai moitos puntos en xogo e só unha distancia de catro, pero debemos ser realistas e este partido é clave. A partir de agora irán aclarándose as cousas, de tódolos xeitos eu cambiáballe o posto aos tres de arriba. Alfoz, Cabreiros e San Ciprián son os que máis doado o teñen«.

SEIJO (CABREIROS)

 – Situación inmellorable. «A verdade é que estamos nunha situación moi positiva. Chegamos nun bo momento a este tramo de temporada, sobre todo gracias ao gran ambiente que existe dentro do vestiario«.

 – O Sporting. «Será un partido moi complicado ante un rival directo. Ademáis no seu campo é un equipo moi forte e contan con xogadores moi rápidos en ataque. Non será doado, pero confiamos en que siga a boa racha«.

– A zona de ascenso. «Está moi disputado poder entrar nos postos de ascenso. O Alfoz ten algo de marxe, pero estamos moitos equipos con opcións. Queda moita liga polo momento e debemos ir partido a partido«.

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 500

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.