O Lugo endulza unha data histórica de grises

O Lugo suma e segue nunha xornada histórica para o fútbol feminino lucense

Ao igual que a pasada xornada, só o Lugo foi quen de gañar nunha fin de semana na que PM Friol e Antas volveron caer con claridade.

Luca´s Grill
Moreno´s Pizza

O inicio ligueiro do cadro de Covi Regueiro resulta un tanto preocupante. Os oito goles encaixados en tan só dúas xornadas falan por si sós. Soamente a contundente vitoria na Copa ante o Pozoalbense o pasado mércores (6-0) salienta entre as noticias positivas pola Reigosa.

Pouco durou esa alegría, xa que o PM Friol viuse superado polo histórico Europa. Un cadro catalán que xa mandaba no minuto 2 no marcador e aumentaba a vantaxe co segundo gol antes do paso polos vestiarios. Na reanudación, as visitantes perdoaron a sentenza cun lanzamento ao pau nos primeiros compases de xogo.

Deportes Élide

O terceiro era cuestión de tempo ante un cadro lucense que non chegaba á portería rival. E así foi a vinte minutos do final. Cando todo semellaba resolto, apareceu Ali Martínez para facer un dobrete e darlle vida ao PM Friol no tramo final. Foi un espellismo, xa que o Europa fixo o cuarto e definitivo no límite cun remate á saída dun córner.

Covi Regueiro, adestradora do PM Friol, realizou estas declaracións aos medios propios do Europa.

Unha de cal e unha de area na Primeira

Ali, bigoleadora do PM Friol

Na Primeira Galicia, outra vez cara e cruz. O Antas perdeu na casa nun encontro no que acusou o baixón físico na segunda metade. En gran medida debido á ausencia de pretemporada nun conxunto lucense que segue sen adestrador/a. Miriam adiantou ao Mos B a falta de dez minutos para o descanso. A resposta de Lucía foi instantánea e a igualada mantívose ata a reanudación. Aí, Miriam completou o seu hat trick particular e deulle ao seu equipo os tres puntos no Castro Seoane.

Pola súa parte, o Lugo suma pleno de triunfos despois de golear ao Amistade a domicilio. Comezou dubitativo o conxunto de Joaquín Blanco, ao que lle custou un chisco adaptarse a un terreo de xogo pequeno e lento. Porén un gol de falta de Candela deulles a tranquilidade necesaria para controlar o partido e comezar a crear ocasións. Co paso dos minutos e os dous goles de Esther, o Amistade tamén baixou o ritmo e o tramo final do partido foi moi favorable para as albivermellas, rematando co cuarto gol de Blanca.

RESULTADOS DA XORNADA

Lucía Pardo, na súa etapa no Lugo

PM Friol 2-4 Europa

EFB Amistade 0-4 Lugo

Antas 1-3 Mos B

lucía pardo, histórica

A dianteira de Outeiro de Rei xa é historia do fútbol feminino nacional. Lucía Pardo (LP) fixo o primeiro gol da recén estreada Liga Profesional Feminina. A atacante do Madrid CFF abriu o marcador no minuto 33 no partido que enfrontou ás capitalinas contra o Alavés en Vitoria.

reestruturación no ‘futfem’ na campaña 23/24

Á espera dos calendarios da Segunda Galicia, xa podemos adiantar tanto o grupo (dos seis existentes) no que xogarán as nosas representantes esta tempada. Así como o formato competitivo da vindeira tempada, onde se creará a Terceira Galicia. Explicámolo todo nas imaxes que seguen, realizadas pola RFGF.

Grupo 3, onde xogarán todos os equipos lucenses
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 875

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.